مساحة إعلانية
لو إنتِ نجمة في السما
أنا مابيعجبنيش النجوم
ولو كاسرة قلوب الجميع
ودوستي على قلب كل يوم
قلبي مَش واقف في الطابور
ولا مستني عطف وقبول
ولا هيستني يجي له دور
من جلالتك رضاه ينول
قلبي متعود على الفراق
كسر قلوب مالهاش عدد
خسر كتير حلوين جُمال
وهيفضل يخسر للأبد
على قد ما بيدي حنان
يغضب يثور لو اتكسر
في لحظة يهدم ال كان
ودايماً يخرج منتصر
قلبي قدم استقالته
وبيعلن انه بينسحب
وهيسترد تاني حالته
رفض ذله بدون سبب
قلبي مَش قصة مكررة
تحكيها لغيري بافتخار
قلبي لقلبك معصرة
هتحسيها ساعة انكسار
ووعدي ليكِ هتندمي
زي ما وعدتك بالآمان
قلبك بسهولة هيترمي
مش بخلف وعدي مهما كان
الغلطة غلطتي أنا
لما بجرحي سمحت لك
وهتشوفي نفس العنا
وندمي في قلبك يقتلك
افتخري بقصصك الكتير
واختميهم بقصتي
قولي لهم كان زي الأسير
يوماتي ليّ بينحني
لكن افتكري انه انحني
مش ضعف أو طالب زيادة
كان أمله فداكِ يتفني
ويشوف في عينكِ السعادة
اغاني مشابهة
- ترنيمة جاين يا أبانا
- ترنيمة لإسمك يا فادينا الشماس ريمون سليمان والمرنمة رانيا
- ترنيمة ياللي بديت الرحلة معايا الشماس ريمون سليمان وعماد غالي
- ترنيمة إنت مش للذكريات
- ترنيمة يا كنيسة إفرحي جاي المسيح
- ترنيمة هل أطرق بابك الشماس ريمون سليمان والمرنمة بسمة
- ترنيمة ما عندي شئ أقدملك
- ترنيمة يسوع زي السكر الشماس ريمون سليمان ومرنمة أخرى
- قصيدة أنت لم تنصت
- ترنيمة حقك ده في أراضينا هيعلى
التعليقات