مساحة إعلانية
المدينة مفهاش مكان للضعيف
عشان تنجي منها لازم تبقي حريف
فكيت اللغز و كتبته علي الرصيف
شفت الحقيقة بعيني من غير تحريف
فاهم الكل و ده عيبي
مفهاش حد حبيبي
اخر طلقة في جيبي
هتبقي من نصيبي
ده اللي شاف معايا خير
دلوقتي بقي كبير
ماليش عنده تقدير
و بيفضل عليا الغير
زمان كنت بفتح للناس طريق
اتعودت اكون مدرب من غير فريق
وقت الشدة مالقتليش فيها صديق
محدش طفي جوه مني الحريق
حاولت اكسب بس الحظ مكنش في صافي
حتي حبايبي باعوا و سابوا دمي بيتصفي
الحب ميزانه مدي و مكفاش ادفع قلبي
ضهري بقي للحيط و بعلن للكل كرهي
دايرة تقولي للكل الناس ايه العمل
و بتقولي ان مفيش مني امل
بتتشطري عليا لما الباب اتقفل
ضربهم مأثرش ضربك انتي قتل
انتي مين مبقتش عارفك
اتغيرتي و راحت ملامحك
لو زمان قلبي كان حبك
ف دلوقتي انا كاره شكلك
قلبي في ايدي تاني مش هتخديه
اتعلمت ابيع الحب و عمري ما اشتريه
انا مش الشخص اللي انتي حبتيه
انا حد تاني عمرك ما عرفتيه
المدينة مفهاش مكان للضعيف
عشان تنجي منها لازم تبقي حريف
فكيت اللغز و كتبته علي الرصيف
شفت الحقيقة بعيني من غير تحريف
التعليقات