مساحة إعلانية
شيلني من دماغك و انسي
عملت كل حاجة في المجال دا عشان اشدك
نايم عالسحاب ، و عيني عالمستقبل
سبت كل حاجة تعدي و اللي شدني هيشدك
انت اللي اتغابيت ، و اديني ماشي فين
روحي الحلوة اديها اتقسمت اتنين
نص ملاك و نص ساتان ، ولسا شايف العين
في نص راسي رايحة ججاية جري عاية جري عالجنبين
و كنتي فين ، لما شفتي الحرب جوا راسي
كنت تهوش و انا اتصاب و اديني قمت ارازي
مفيش طرازي ، عايش عالهيبة لو كدابة
لو النجم لف وشه مش هيجري وراكي
احرم قمر من النور ، و اهرب و الف و ادور
وقفينلي ليه في الزور ، يمكن الحب زور
قلت للمرايا وعد و لا مش هرجع فيه
هعبي جيوبي فلوس نجم و عمرك م تطفيه
--------
كام مرة انتحرت بعدها كنت ارجع للفشل
كنت اموت من جوا بس ، للأسف
ساكت و سايب جوايا الف سبب
دايما بحكي بس مش مستني اني اتسمع
بكره الماضي ، بكره كل ذكرياتي
بكره دماغي لا مش عايزه تنسي ولا مساعداني
نفسي تفضل ساكت ، تكتم الكلام جواك
انا قلت محدش كامل ، بس مقلتش اني ملاك
كل اللي كنت عايزه بس شوية امل
عايز اسأل ، ليه حبك كان مصحوب بالأذي
الوقت بطيء زي سنة ، الشخص دا مش انا
ليه بخسر طاقتي دايما وانا اللي بدفع التمن
----
وعادي ، هوصل لحلمي لو في بطن الحوت
عشنا كتير ، بس مستني العيشة بعد الموت
مش عايز دلع ، اقتل اعصابك ليه بتتوتر
خايف من المستقبل ، خايف افشل ، خايف اكبر
------
مشاعري ضاعت مني ، و لقيتها لما بعدت
بس بعد ايه ؟ بعد م كل طاقتي استنزفت
بعد يوم تمام عشره زيه زي الزفت
بحب اعمل اغاني ، بس منكم انا قرفت
الوحدة ابسط و اصعب ... انفاسي قد لا تصعد
مع كل حد خسرته ،كسبت نفسي ، دايما بربح
بس فضلا اطلع برا ، النور لازمله ضلمه
لو كنت عايز راحة الكل ف انت هتخسر راحتك
الايجو خلاني حرفيا مش شايف حاجة
قالتلي همشي قلتلها ماشي مع السلامة
بكره اوضتي بس بحب اكون لوحدي كتير
قالتلي كرهتك بعد م قالت تيك كير
متصدعنيش ، خلاص عرفت اني شيطان عالارض
بكره الكلام كتير ،، ياريت يمعني الصمت
بكره اني اتفهم غلط ، احساس اني فشلت
حتي في اني اموت نفسي عمري م اتوفقت
بتفرج من بعيد ، مستمتع مش سعيد
عيوني بريئة بس روحي رايحة في الحضيض
افضل وصف ممكن اوصف بيه نفسي دلوقتي
اني حرفيا فاضي (قلبي و روحي ، دماغي و عقلي)
--------
وعادي ، هوصل لحلمي لو في بطن الحوت
عشنا كتير ، بس مستني العيشة بعد الموت
مش عايز دلع ، اقتل اعصابك ليه بتتوتر
خايف من المستقبل ، خايف افشل ، خايف اكبر
×2
----------
اسف اني رجعت ، مقلتش i quit
قمت تاني وقفت ، هخلص لو استسلمت
و مكانش في دوافع ، بلعت كتير إحباط
لساني كان معقود ، بس لسا عندي spit
مسكت المايك ، و عمرو قالي ماستر بيس
و كل السابورت لسا ، فاكر جه من مين
و المحطة تشهد ، انك كنت نضيف
في المحطة سبنا ، اغلي حد ليك
سلامي لبلادي ، بعدي عنكو كان شيء صعب
مش جوي و مش مكاني ، و حبيتهم بالغصب
دلوقتي انام و لو هصحي بكرة
محدش ليه عليا اني اقوله شكرا
ومهما غبت هرجع ، السكتة دي مش سهلة
دايما احب انا احكي ، بس معاكو احلي
مين في الهوا اتبخر ، و مين معانا فضل
و طموحي لسا اكبر من كل كل الفضا
الف ايد اتمدتلي وقت م انتي سبتي
كنتي دايما تحكي .... لما تيجى سيرتي
ليه جيتي و سكتتي - ليه مشيتي و سبتي
مش عندي حاجة اعملها ... انتي اللي اختارتي تمشي
التعليقات