مساحة إعلانية
وصلي كلام .. كتير عَنك
وماوصليش .. كلام منك
وانا شايفك .. وشايفاني .. فـِ كل مكان
تعبنا خلاص .. ومش قادرين
وبنكمل .. عشان عايشين
على حس اللي كان بيننا .. ليالي زمان
ماكملناش عشان نرتاح
ولا ارتاحنا .. ولا نسينا
وخوف بيبان في عينينا
بنخسر كل يوم روحنا
وبنكابر على جروحنا
وقلبك زي قَلبي يعيش .. يحن فـِ سره للتاني
قالولي ان انتي مانسيتينيش
ورغم البُعد مابعدتيش
ياوحشاني وبَقيت خايف .. أقول ان انتي واحشاني
كلام كان بيني .. ومابينك
بفكر فيه .. وأقول فينك
ومش عارف .. اشوف غيرك .. في عمري الجاي
وقلبي كتير بيوجعني
خلاص مابقاش بيسمعني
وبيقولي .. انا لوحدي .. هعيش ازاي
كلام اتقال .. ومن يومها
بقينا اتنين .. لوحدينا
قلوبنا فـ حال مبكينا
بنخسر كل يوم روحنا
وبنكابر علي جروحنا
وقلبك زي قلبي يعيش
يحن في سره للتاني
قالولي ان انتي منسيتينيش
ورغم البُعد مبعدتيش
يا واحشاني وبقيت خايف
اقول ان انتي واحشاني
التعليقات