كلمات اغنية سالم – أيامنا – الوقت بيسرقنا

أيامنا بتودينا .. تبعدنا وتجمعنا

مشوار ومكتوب لينا .. بياخدنا ويرجعنا

لا لقانا كان بإيدينا

ولا حتى اختارنا وداعنا

وان ما قدرت ايدينا

تاني تمسح دموعنا

............

بنعيش والوقت بيسرقنا

وبنمشي ونسرح في طريقنا

والايام اللي بتجمعنا

يمكن ف ثواني تفرقنا

ساعات الدنيا بتلهينا

عن اغلي واقرب ناس لينا

وفي يوم عمرنا ما بنتمناه

نلاقيهم ما بقوش حوالينا

...................

لسه الاحلام بتبان ف عنينا

والحب هيفضل عايش فينا

يرسم علي ايامنا وليالينا

ضحكة نونس بيها دموعنا

...............

قرب من كل اللي حاببهم

شيل عنهم خوفهم وتعبهم

يمكن يسيبوك هما الاول

او يمكن انت اللي تسيبهم

علي قد ما تقدر فرحهم

بصلهم واحفظ ملامحهم

هيجيلك يوم فيه تتمني

لو حتي ف نومك تلمحهم

..............

لا لقانا كان بإيدينا

ولا حتى اختارنا وداعنا

وان ما قدرت ايدينا

تاني تمسح دموعنا