مساحة إعلانية
920x160
تواصل معنا
تخيلني على بابك
ولكن ما ادق الباب
ولا تحت شباكك
اناظر بس ما انادي
هذا انا تعبت اكتم
شعوري لين صدري ذاب
تعبت انحاز لك دايم
وحبك ماهو حيادي
اضحي واغفر وانسى
ولا اسال عن الاسباب
واجامل لاجلك وانت
تشب النار ع الهادي
وفي الاخر انا الساخر
وانا الخاين وانا الكذاب
وانا الانسى وانا الاقسى
وانا الاظلم وانا البادي
وصلت لهالشعور اللي
امشيها بدون عتاب
مدامك صرت في وادي
وانا والحب في وادي
وصلت لمرحله عادي
اذا ودك غياب غياب
برودك اللي وصلني
معاك لمرحله عادي
هذاني صرت ما احسب
لفراقي معاك حساب
ولا عاد الجفا حزني
ولا في قربك اسعادي
واذا عديت من بابك
اعدي وما ادق الباب
ولا اناظر لشباكك
واذا ناظرت ما انادي
التعليقات