مساحة إعلانية
منمسك القصة من الاول، ومنرويها للعلن،
مراهق مختلف عنهم، جسم ملفت للنظر،
طفل عرضة للتنمر، هدف سهل للبشر،
جسم ضعيف، جسم ضعيف، ما بحلم اوصل القمر،
ما بنفع اخبي اللي صار طول العمر،
ما بتحس بطعم الحلو الا لما تدوق المر،
انت مو الوحيد اللي بهيك قصة مر،
هات ايدك نمشي لآخر الممر،
ما كان بدي الا اني انخرط معهم،
ممكن كان نفسي اكون واحد منهم،
بصير افهم ليش ما بقدر اكون زيهم،
اركض واضرب والعب طابة متلهم،
يعني ممكن في كم ذكرى حلوة معهم،
بس ما بنكر انه كرهت اختلافي منهم،
كرهت الكرسي، وكرهت حالي بينهم،
صرت احس الغلط فيي مو فيهم،
القمر بعيد بعيد، بعيد عنّي،
بالمراية شفته اليوم بعيني،
وصلت اكتر مما كنت اتمنى،
وانا اكتر من مجرد مسمّى،
القمر بعيد، بعيد عنّي،
بالمراية شفت اليوم القمر بعيني،
وصلت اكتر مما كنت اتمنى،
وانا اكتر من مجرد مسمّى،
بتذكر عالمراي كل مرة كنت ابكي،
اتطلع على حالي وأعد عيوبي،
واقول واتمنى لو اني غير عني،
المراي ذكرتني بشو عندي،
سحبتني عندها وبعد سنين خطرلي،
منيح ما كنت زي ما كان بدي،
كان اختلفت كتير حياتي،
ما كنت حقدر اكتب اللي بحكي فيه،
لازم اغوص بالماضي ل احكي عن الحاضر،
احكي وين وصلت، واحكي وين صاير،
ابداً مو شوفة حال بس هو هاد الحال،
هاد الحلم ما كان بالخاطر ولا بالبال،
عمري ما تخيلت انه اقوى باختلافي،
وقصتي تكون سبب الناس بتقوى فيي،
السنين مرّت والقصة ما رح تنتهي،
هاي هي قصتي، ولساني هو قلمي.
القمر بعيد بعيد، بعيد عنّي،
بالمراية شفته اليوم بعيني،
وصلت اكتر مما كنت اتمنى،
وانا اكتر من مجرد مسمّى،
القمر بعيد، بعيد عنّي،
بالمراية شفته اليوم بعيني،
وصلت اكتر مما كنت اتمنى،
وانا اكتر من مجرد مسمّى،
القمر بعيد بعيد، بعيد عنّي،
بالمراية شفته اليوم بعيني،
وصلت اكتر مما كنت اتمنى،
وانا اكتر من مجرد مسمّى،
القمر بعيد، بعيد عنّي،
بالمراية شفته اليوم بعيني،
وصلت اكتر مما كنت اتمنى،
وانا اكتر من مجرد مسمّى،
التعليقات