مساحة إعلانية
جابك الله يا حبيبي يوم فيك الحظ قـام
أنت وحدك تلفت النظرة وهو اللي أبيه
جيتني حباً عفيف وجيت لك كلي هيام
وكل يوم أسأل ضميري بين كيف وبين ليه
معك رافقت السعادة ذقت من طعم الغرام
يـا الوليف اللي مَلك قلبي غرامه واهتويـه
ضعت فيك ولا أحد قبلك خذا مني إهتمام
أنت ذاك اللي سنين العمر طافت وأحتريه
نوّر الكـون بـعيـوني ونجلـى ذاك الظـلام
أنت نور دروبـي اللي دلّني يوم أهتديه
المشـاعـر فـي وصالك يا حبـيبي ما تـلام
يا أجمل أشيائي الجميلة ما لك بغيرك شبيه
في حضورك يا منايا تضحك الدنيا سـلام
ولو تغيب شـوي عنـي ألمحك بين الوجيه
ما تفـارقني ثواني حتـى في أحلام المنام
كل يوم أبدا غلاك اللي عسانـي ما أنتهيه
لك بقلبي حب عذري ولك تقدير ومقـام
يا بعد عينـي وروحي قلبـي اللي محتويه
وما يوفيـك القـصيـد ولا يوفيـك الكـلام
كل بيت لأجل عينك أكتبه وأبدعت فيه
وما يوفيـك القـصيـد ولا يوفيـك الكـلام
كل بيت لأجل عينك أكتبه وأبدعت فيه
التعليقات