مساحة إعلانية
صاحبي والعمر مرّة عيشه بحب ونغم
مين يستاهل لأجل تبقى على شانه حزين
الحياة أحلام وردية و واقعنا وهم
ودك تعيش الحياة وخايف من الشامتين
الحياة أبسط من اللي عايشينه ابتسم
لا تخاف من أي حاجة بس خاف العابرين
كم بكيت وكم شكيت وكم فقدت من النعم
ونعمة النسيان أعظم ما فقدته من سنين
لا تحب إنسان أحاسيسه وقلبه من عدم
لا تهزك ذكرياته لو يبكيك الحنين
ولا تقول الحظ ضدك وإن وقتك لك ظلم
وقتها من يشعرك بقسوة لياليك ويلين
ولا تعذب نفسك إلا لأجل حلمك لك يتم
لو تضيع كل عمرك لأجل خاطر نصف دين
وكان ربي ما كتب لك حلمك ارضى بما قسم
النصيب أحياناً أكبر من ظروف الحالمين
الندم ما هو على اللي راح لكن الندم
لو تذكرت إن هذا العمر ما هو مرتين
مين يستاهل عشانه تنكسر وتموت هم
لا تضايق خاطرك وإن كنت مكسور وحزين
غيرك إنت و والدينك في حياتك من يهم؟
إبتسم واحلم ترانا في النهاية راحلين
ما يزيد الضيق فيك وما تموت من الألم
غير لاشفت انكسارك في عيون الآخرين
التعليقات