مساحة إعلانية
روحت لخالى روحت لعمى روحت لخالى روحت لعمى
روحت لخالى قال معاييش روحت لعمى قالى مفيش
روحت لاخويا ابن امى وابويا قالى ياخويا متحرجنيش
روحت لخالى روحت لعمى روحت لخالى روحت لعمى
جنيه وقال للبخيل حابسنى ليه في دارك
امتى اخد افراج يا بخيل واخرج انا من دارك
نفسى اشم الهوا من خنقتى راح اموت
ده عمر الجنيه يا بخيل ما هيعلى مقدارك
اروح لمين اشكى وابكى عشان طيب واكلين حقى
وعشان اهلى وقرايبى انا مش قادر افتح بوقى
خسيس وفاتح لبان تغور القشطة من وشه
دايما يحب الضلال وفى الحق قالب وشه
طماع وغشاش حتى المش بيغشه
فيه ناس قربتهم منى فى لحظة لقيتهم بايعنى
وتمامهم كانوا يشوفونى وكبيرهم كانو يسمعوا عنى
لو العلام ببلاش يا ناس يبقى الادب احسن
والصاحب السو لو سبته يكون احسن
مدام عديم الاصل تبقى قلته احسن
داديت صاحبى انا ما ادادا وتملى ايده مادادا
واكل معايا عيشى وملحى وقال على عيشى ده ردادا
يا صاحبى يا صاحبى
صاحبتنى يا لئيم وانت مالك صاحب لا عيش ولا ملح بتصونه مع الصاحب
اللى يخونك مرة يا اصيل متعملوش صاحب
مبقولش انا حلو يا حلو وكلامى دايما في محله
اللى يصونى اديله عينى واللى يخونى مش احلو
فيه ناس كتير مابتختشيش وتملى بياكلوها والعه
بيجروا ورا الشر ويزودوه ولعه
اذا حكمك الندل اوعى ليه تطاطى
ده الواطى واطى حتى لو سكن قلعه
لو ع الكلام هنقول ياما مهوش غرور ولا قيامه
واللى يعيش ياما هيشوف والدنيا اكبر علامه
يا زارع الورد جنب الشوك ميلزش
ومقابلة الضيف من غير وش متلزش
راجل وعندك ملك وعليك دين يبقى الملك ميلزش
وراجل تحكم عليه الست يبقى مشيه ميلزش
التعليقات