مساحة إعلانية
920x160
تواصل معنا
اسكن خفوق اللي على الطيب خاواك
واترك خفوقٍ نايزن ما يخاويك
واسكن جناب اللي هوى شوف لاماك
الصاحب اللي لا زهمته يلبيك
يا الغرنجي المزيون بو عقص مزهاك
يا ذا المحب اللي زحولٍ أهاليك
ها الكيف مغليك إنت والكل يغلاك
محبوب شخصك عند هلك وتواليك
مايوز عنك لا ولا أقوى ع فرقاك
يا اللي غلاك بوسط قلبي مشابيك
وإن كنت تنشد عن معزتك وأغلاك
في خلف سور الحدب جواه مخفيك
يا أحلى من التمر الحسا هي حكاياك
وأصفى من البلور كفك وخديك
مشتاق شوفك يا الغلا طال فرقاك
وبك الزمن طول وأنا محتري فيك
وعشقت حلم لا ظهر فيه روياك
حلمٍ يداعبني هيامه حكاويك
وأرجو السموحة في بيوتٍ هديناك
وأطلب لقاء فرصة شوفك وحييك
اسكن خفوق اللي على الطيب خاواك
واترك خفوقٍ نايزن ما يخاويك
واسكن جناب اللي هوى شوف لاماك
الصاحب اللي لا زهمته يلبيك
لا زهمته يلبيك
التعليقات