كلمات اغنية سيف اليوس – الجنة فيها عشا

شفت ماما بتطفي النور و بتقول تعالى في حضني

فهمت يا ماما مش عايزاني اموت لوحدي

ازاي اكون صاحب حق و مستخبي

اخواتي نسيوني ولا اللي حاكمهم مش في صفي

ماما

قوليلي يا ماما فين ربي

مفيش ف السما غير طيران بيضربني

فهمت

دي حكمته و ده قدري

اسف

اسئلتي كتير عارف مش وقتي

يعني جولنا لاجئين واحتلونا

مش عايزينا حتى نعيش معاهم بيصفونا

انا خايف ييجي يوم اخويا فيه ينساني

و ينسى مين كان الضحية و مين ارهابي

ماما

لو فضلتي عيشه

قولي لاخواتي مكنش العشم

قوليلهم مات جيعان

و سألني لو الجنة فيها عشا

اخر كلامي

شهادة و ابتسامة لأعدائي

تبكيش يا ماما لما تشوفي اشلائي

يكفيني اني هموت على ارضي و ديني

انا ماشي

هتلاقي ياما اسمي على دراعي

سامع اصوات في السما بتنادي

شهيد فلسطيني