مساحة إعلانية
لانك معايا
وساكنة في قلبي
وجودك في عقلي
بيسبق وجودي
وامتى تكوني
حياتي وزوجتي
انا عن نفسي بسعى
وراسم وجودك جمبي
كعزفة
جرا ايه يا اوتار
مش ناوية تعاشري الكمان
كل اما اقول
دا اقصى ما هوصل
في حبي ليكي
تفاجئيني اكتر
وادوب فيك يا سكر
واحبك كمان
وحبك دا طالع وزايد لفين
واخدني على ابعد مكان
واخدني لحنين
وصبر السنين
بيطرح ثماره
حبيت وتر
كل اما اقرب احس بكماله
ولما المسه يطلع جاله
واشوفه بعقلي
واحسه بعيني
وافكر بقلبي
وادوب تاني اكتر
بدوب فيك يا سكر
وتطلع ايه الحياة بدونك
كأني اتولدت بأول نظرة
بصييتهالي بعيونك
انا نستني قبلك كنت ايه وفين وليه
وتطلع ايه الحياة دي بدونك
بدون نظرة عينيكي
بدون لمسة ايديكي
الناس بتتمسى بالقمر
وانا كل يوم اصطبح عليكي
حاسسني اتولدت ليكي
واعشلك وبيكي
نكمل طريقنا لمنتهاه
ياللي معاكي عرفت الحياة
يا كل الحياة
واغلى ما عندي
هقولها كمان
وازود امان
واربط ما بين
قلبي وقلبي
هقولك بحبك
مابشبعش منك
وو انتي معايا
مابرمش رمشة
وودني معاكي ماتسمعش دوشة
ولمسة ايديكي
بتسحبني سحبة
بطير فوق سحاب
واتوه ف الضباب
وافوق تاني لما
تقولي سلام
ميهمنيش الكلام
اللي يخرج بعيد عن لسانك
واقولك عشانك
اموت الف مرة
خديني ف حنانك
وحبيني اكتر
وقولي بحبك
قولي بحبك
وزيدي كمان
بدوب تاني اكتر
بحبك يا سكر
بحب اللي بينا
واحب الاغاني
اللي جمعتنا
بحب الخيال
عشان عنده بيتنا
واحب الحياة
اللي جنب منك
واجب الحمل
اللي اشيله عنك
احب الطريق
اللي اخره عندك
هكون السفنجة
اللي تمتص حبك
واكون الصديق
واكون الحبيب
واكون اللي ليكي
واكون اللي بيكي
بينضج ويكمل
وينبضله قلب
انا طفل حب
وحب الحياة
ما هو انتي الحياة
انا طفل ماسك
ف ايدك وسارح
وماسح تاريخي
اللي كان قبل منك
انا كنت منك لكن الحياة
قسمت روحنا في جسدين
توهت قبلك شوفي كام سنة
ولقيتك لقتني
لقيت حلمي بيتبنا
خليكي هنا خليكي جوا
قلبي معاكي
ووخداه تمليك
ساكناه وهتبقي لاخر العمر معاه
ان شاء ا
التعليقات