مساحة إعلانية
920x160
تواصل معنا
كان ليه ولا ازاي المهم ان انا هنا
الدنيا بتسهيني و بتسحلني سنة ف سنة
بتنازل عن احلامي كل مرة بقوم م النوم
و بحايل نفسي اكمل عشان اعدي يوم ب يوم
.
متلخبط من جوايا و مش عارف انا عاوز ايه
مسحول جوا حكاية و مش عارف بحكيها ليه
.
.
جيت اغير شكل العالم ليه العالم غير عقلي
انا كنت عيل واجب الفيزيا كان اكبر مشاكلي
سحلتني الدنيا و كبر الطفل اللي جوايا
اصبح عجوز و العمر بيجري مش ماشي معايا
.
متلخبط من جوايا و مش عارف انا عاوز ايه
مسحول جوا حكاية و مش عارف بحكيها ليه
مش جاية على هوايا بس محاصر نفسي فيها
مش عارف هخرج امتى و انهي حكاية تاني هحكيها
القصة اللي بتفوتني بتاخد مني سنين و ايام
صفحاتها بتطوي معاها حلم .. من الاحلام
التعليقات