مساحة إعلانية
بسأل نفسى كل يوم
فى الطابور اللى وقفوا فيه
امتى يجى عليا الدور
ساعتها مش هحتاج انى ادعى
او استنى حتى ردود
من اللى فوق لو انا صح
ادينى سبب اخاف من الموت
مش كل الناس بتفكر كده
الحياه بتتحول مشكله
طب ايه اللى ينزلنى فى دنيا
مش عارف اخرتها ومش عارف اجوبه
ومش عارف طب ايه اللى وصلنى لهنا؟
ومش عارف لو الناس بتفكر زينا
جوايا شخصيات عماله تتناقش مع بعض
وبيسألوا نفس الأسأله
تايه فى بحر الشكوك
هو ربنا موجود؟
ليه لو سألت السؤال ده
هيعاملوك بغيظ ومش هيفهموك
ومش هيفكروا حتى يصلحوك
ماهما شايفينك بره سيرك
قولى ازاى بتتهمنى بالغلط
وانت مبتسمعش رأى غيرك
الناس دى غريبه يخافوا منك
عشان مش بتخاف
الناس دى ضعيفه لدرجه
خوفهم من الاختلاف
طب قولى ازاى فى مناظره اديان
ساعات الشيخ المؤمن يقلبها خناق
والملحد بيسأل ده دين الاخلاق؟
صدقنى غصب عنى اميل للألحاد
بسأل نفسى كل يوم
فى الطابور اللى وقفوا فيه
امتى يجى عليا الدور
ساعتها مش هحتاج انى ادعى
او استنى حتى ردود
من اللى فوق لو انا صح
جاوبنى ارجوك...
كل الكلام ده ضعيف بلا معنى
بيقول معجزاتنا ويصدق.
اللعنه
ويقول اساطير الرومان ويتريق
ويفكر اننا بكلامه اتخدعنا
صدقنى الكلام ده ليه اكتر من معنى
مبقولش انى صح انا مجرد بفكر
ازاى بتقول انى بضر مجتمعنا
واخوك فى ديانتك فى بيوتنا بيفجر؟
صدقنى انا زيك بس بفكر
مجرد شخص معاك بيفضفض
زيك مسلم بس فى البطاقه مش اكتر
انا مش بهزر ولا اكيد بحور
الناس دى بتكفر فيك بسبب
مظهر او بسبب نكته
او بحبر فى جلدك
او بشكل شعرك
ده رعب!
بأستخدام مصطلح احترام
ده رعب!
ملقيتش الفرصه اتناقش فى الاراء
مجرد من رأيى او من انى افكر
او حتى اشكك او حتى اجرب
مفتكرش الدين كده
ده الشيخ بمزاجه
مش لسه هتناقش
ده كفر وحرام
خلينا اصارحك
مشكلتى مش مع دينك
دى مع شخصك
صدقنى الكلام ده لمصلحتك
كان نفسى تسمعنى ادينى نصحتك
زيى زي جيلى كلنا تايهين بنحاول نعرف
هو فين الصح هل هوصله فى يوم
ولا هفضل ادور
بسأل نفسى كل يوم
هو انا صح لما افكر؟
ولا التفكير ليه حدود
طب انا هوصل للحقيقه
ولاهفضل تايه على طول؟
ولا عمرى ماهكتشفها ابدا
الا بعد ماموت
التعليقات