مساحة إعلانية
الوجع نفسه وين ما كان يا رب
الوجع نفسه وين ما كان
و المرحوم هو انت و ناسي الي بشبهوني
عارف اني ممكن اطلع من هالبلد ميت
شوي شوي بربرية الغربي عم بتبين
بس الوضع بالبلاد ما هو هين
الحلاق و جورج فلويد
الفرق ايفون و اندرويد
في اتصال
كل ما اسمع صوت بالشارع
عم بتكهرب مش انفصام
مش بارانويا نص جيلي في البلاد عالاعتقال
و نص السمر زي حالاتي في امريكا اعتباط
بخاف يسمع لكنتي و انا واقف بالطابور
و انا واقف بالطابور
و انا واقف بالطابور
لانه ممكن يقتلك بالعتمة
و يمشي بجنازتك بالنور
و انا واقف بالطابور
و انا واقف بالطابور
لانه ممكن يقتلك بالعتمة
و يمشي بجنازتك بالنور
من عمان الناشفة للمحيط الخصب
طلعت من الشرق عند دونالد ترامب
متعود و الراس ما بشبع ضرب
اشي بوليت برووف تصنيع الغرب
و انا مفكر انه في بلادي الشر
السفر هون كان اأمن بر
المحل مكيف ليش حاسس بالحر
العيون علي كني جاي بالعرض
بس انا جاي من الشرق
بقدرش اخبي حتى لو غيرت
اللهجة ثقيلة حتى لو جربت
لانه اللحية طويلة حتى لو قصرت
شايفينّي
منيح
عمري ما كنت خايف غير من بكرا
من حالي
بس هون اتعلمت اخاف من السلطة
الشرطة
عينها علينا ممكن اي لحظة
طلقة
و اطلع خبر في شرايط زرقاء
و شو الجريمة غير سمار البشرة
بحلف بعمري و باصابعي العشرة
ببصم انه ممكن اموت هون اه
و انا واقف بالطابور
و انا واقف بالطابور
لانه ممكن يقتلك بالعتمة
و يمشي بجنازتك بالنور
و انا واقف بالطابور
و انا واقف بالطابور
لانه ممكن يقتلك بالعتمة
و يمشي بجنازتك بالنور
التعليقات