مساحة إعلانية
صحيت من عز نومي عاوز احكيلكم حكايتي
اسمعو يا سادتي هروي لكم حكايتي
حكايه فحكايه وقصتي لم تكتمل
شايل علي كتفي حمل أتقل من حمل الجمل
كنت من أوسخ الخلق..ومنظري فيه قبح
وتشوهات فجسمي ومنها الدم يضخ
معنديش أي مال..وفقري كان أفقر
مكنتش لاقي علاج..وعمري كان أقصر
فجأه جاتلي بنت.مكنش شاغلها حالي
وعنيها جت فعيني حسيت أني شخص مثالي
مكنتش تسيبني ابدا كنت استغرب من أفعالها
قربت مني أكتر انا حاسس بحبها
ازاي حبتيني أنا لا مال ولا جمال
قالت الفقر مش هيدوم وبكرا يتغير الحال
اديها جت علي وشي شكلي بقي أحلي
بنت لي قصر عالي وبقيت مالناس أغني
فجأه مالي زاد وزاد..هيا السبب فالخير
هيا غيرتلي حالي بعد ما كنت عبد ذليل
بقيت حاجه كبيره هيا جتلي فالأوان
بعد فقر بعد موت عيشت عيشة السلطان
كورس...
من حال ل حال من مسخ لجمال
من هم وغم لرفاهيه وراحة بال
كل دا بفضلها ونا رجعت خنتها
موفيتش بوعدي فأصبح حالي ضال
ڤيرس 2...
بعد ما حالي اتغير وبقيت واحد تاني
قولت هرد الجميل أطلبي الي تتمنيه
قالت مش عايزه جميل انا مش عايزه ألا حبك
أنا مش عايزه ألا قلبك يحبني واحبه
ويسهر الليالي تحت شباكي يغني
ميقولش لغيري الشعر ميهربش لغيري مني
قالت وافقت عالشرط؟ الشرط مش مستحيل
قولتلها الي عاوزاه بالنسبالي جدا قليل
ومرت الليالي وشكلي بقي أحلي
ومالي زاد الضعف..وقصري بقي أعلي
بس الغرور شدني والحرام خدني منها
قولت رغم كل فلوسي..ازاي اكتفي بأنثي
فعاشرت الحريم..وليله تجر ليله
محدش يعصي أمر أنا بخونها كل ليله
مفكرتش فيها أبدا قلبي مبقاش يحبها
شهر والتاني والتالت سايبها لوحدها
كورس...
من حال ل حال من مسخ لجمال
من هم وغم لرفاهيه وراحة بال
كل دا بفضلها ونا رجعت خنتها
موفيتش بوعدي فأصبح حالي ضال
ڤيرس 3...
فليله من الليالي..بين الحريم والخمره
لاقيت جسمي خس..ووشي أصفر حبه
النار مسكت في فلوسي..والقصر بتاعي أتهد
والحريم سابوني وجريو لاقيت نفسي مالنار بتشد
لاقيت حبيبتي جت..وقالت دا ذنب
الي يخالف وعد وعده هيموت موتة العجب
قولت رجعي حالي رجعي قصري رجعي مالي
عشان فيكي أفضل عاشق..رجعي جمالي
قالت مايفدش الندم من زمانه أغواه
فمعذور كالغير كل يبكي في ليلاه
نزلو الستار مافيش عنوان للروايه
أنا قصتي حزينه..مبتحتويش نهايه
حكاية وأخري وقصتي لم تكتمل
شايل فقلبي هم أتقل من حمل الجبل
كورس...
من حال ل حال من مسخ لجمال
من هم وغم لرفاهيه وراحة بال
كل دا بفضلها ونا رجعت خنتها
موفيتش بوعدي فأصبح حالي ضال
التعليقات