مساحة إعلانية
اتقابلنا صدفة عينى جت فى عنيكى حبيتك
كنت براقبك من بعيد وحياتك عندى كتير اتمنيتك
كنت بشوف نفسى معاكى وكنت حاسس نفسى فيكى
كان اليوم كله بيضحكلى لما تعدى واشوف عنيكى
بشوفك من بعيد بندهلك قلبى جابنى لحد عندك
نفسى اكمل عمرى بيكى نفسى افضل طول عمرى جمبك
ده الليل فى عيونك بيطول انا مهما هحكى ومهما اقول
انا بس اطول هتجنن بيكى الناس تشاور وتقول مجنون
هسيبهم يقولوا وهفضل اكتب فيكى اليوم بطوله
مهم مساكين مشافوش حبيبى ولا شافوا جمال عيونه
هفضل اكتب فيكى شعر وارسملك صورة فى خيالى
على طول فى بالى القلب بيناديكى يا قمر تعالى
هفضل اغنى واكتب ليكى لا وكمان هحكيلهم عنك
فى الكون ده كله مفيش واحدة تملى عينى زيك
انتى بالنسبالى وطنى مهما اغيب عنك هرجعلك
ابقى حضن ليكى مأوى وقت تعبك هسمعلك
فى كلام لما بيتقال بيغير كل حياتنا معاه
ع اللى بيستاهلوا ندور طول العمر ونستناه
انا من اللحظة دى بقولك انى بحبك اكتر منى
انتى اللى عشانك بكتب شعر انتى اللى عشانها بغنى
تتجوزينى ....
تتجوزينى ونبقى سوا وتبقى ام عيالى
تتجوزينى واشوف معاكى الفرحة وراحة بالى
تتجوزينى بعشق بحبك لما بتقوليهالى
تتجوزينى يا ضحكة ما بتفارقش خيالى
صدقينى محدش فى الكون ده هيحبك قدى
ده الدنيا بتضحك ليا وانتى معايا وانتى جمبى
تبقى معايا وتبقى سندى تشيلى عنى تعبى وهمى
تتجوزينى وتعيشى جوااا قلبى
وابقى ليكى وتبقى ليا وتبقى عندى أغلى ما ليا
وتبقى دنيا ليا لوحدى اعيش فيها كل لياليا
تكونى اختى وتكونى امى تكونى حضنى
تكونى راحتى وحياتى تكمل بيكى يا سبب فرحى
اجرى عليكى وافرحك وضحكتك تداوى جروحى
ده عشق الروح لروحك وانتى منى بقيتى روحى
اوعاكى تروحى من بعدك هاتوه يا روح
مبعرفش ادارى حبى قصاد العالم هقول وابوح
بحبك
تتجوزينى مش عايز غيرك فى الحياة اوعى تسيبينى
من غير ما اتكلم انتى بتسمعينى
عشانك اطول السما لو حبتينى
التعليقات