كلمات اغنية طيورالجنة – طيور بيبي – عيلة القنافذ

عيلة القنافذ

عيلة شو إنهم طيبين

و معاملتهم لطيفة

وبنفس القرية عايشين

مع الحيوانات الأليفة

كانو بعض الحيوانات

بيخافو يقربو منهم

و يقولو هاي الأشواك

معناها القنفذ مجرم

صارو عم يكرهوهم

و يحذرو منهم الكل

مع إنهم ما حاكوهم

ولا ولا مرة من قبل

اجا يوم و هجمت الوحوش

لتاكل أهل القرية

والحيوانات ما عرفوش

يتصرفو يا عينية

فجأة القنافذ هبّو

يحمو قريتهم بالشوك

الوحوش توجّعو هربو

وأخيراً مبروك مبروك

عرفو وقتا الحيوانات

إنهم كانو غلطانين

و إنو القنافذ بالذات

للقرية الحصن الأمين

لما بنتعارف رح نعرف

إنو كلنا فينا خير

ما نستعجل و نحكم و نتصرف

لما بنلاقي حدا غير