كلمات اغنية ظافر الحبابي – غبت الاحزان

مساء البارحه قلبي ورى غبت الاحزان

وعيني شقيه والسهر لاعب فيها

يقولون تاليها تشوف الفرج لابان

ونا اقول والله مادري ويش تاليها

صدوف الزمن قشرا ونص العرب عدوان

ادور على بيض النوايا مالاقيها

الا يالله اني في وزاك اش بلا العربان

لحقها دبور الوقت وأظهر خوافيها

ونا كنت احسب ان العرب كلهم صدقان

عسى الله يرحم هقوت كنت هاقيها

حسافه على ماصار ولا على ماكان

لو انعدل الغلطات معاد يمديها

عوض خير يالطيبه عوض خير يالاحسان

يطرونها تيك السنه حي طاريها

الا ياصواديف الزمن وش بقا ماكان

من اهوالك اللي غيب ليام غاطيها

طردنا لماني لين طفنا على لوطان

وسقنا الركايب لين حفيت سماريها

نبي وسعت الخاطر لكن كل شي شان

عسى ضحكت الغالين تستر بلاويها

ونا اللي برا حالي وبين بي النقصان

غلا ديرت ماعذربوها بهاليها

عسى لايمي في حبها نزغت الشيطان

على فجعت يندم بعد مايسويها