مساحة إعلانية
أجهلك
ولي سنين أتخيلك
أتمثلك في كل طيف
والقاك في قسمات ضيف
كل المشاعر له تقول : حنا هلك
أجهلك .. ولي سنين أتخيلك
ألقاك في بعض الوجيه
ويمرني طيفك وأجيه
ياباكر اللي أجهله
أرقتني الأسئله
وابطا العمر يستعجلك
أجهلك .. ولي سنين أتخيلك
بالعيوب وبالمزايا
بالألم لامن هجرتي
يجتاح بي ضلوع وحنايا
أتخيل شكوكك وظنك
أتخيل التقصير منك
حتى الجفا أتخيلة
وكيف أنا بتحمله
وأتحملك
أجهلك .. ولي سنين أتخيلك
ووجهك اللي قد حسبته
داخلي فغمضة عيوني
واللي ياما قد رسمته
من غيث طيشي وجنوني
وجهك اللي دوم يظهر
لما القى نشوة الفكرة الجديدة
داهمتني
لما ألقى إنكساراتي قصيدة
واكتبتني
وجهك اللي دوم يظهر
في أعاصيري وسكوني
في الجبال الشاهقه
فأجمل خيالي
في السفوح الخافقة
بين نبضي وأنفعالي
وجهك اللي قد نحته
في عظامي والجوارح
وجهك اللي قد حفظته
وبتفاصيل الملامح
بالنهار ف بسمته
والضياء اللي ف ورودة
بالعبوس ف غضبته
بالتضاريس وحدوده
من جنوحه في البها
لين أقصى نقطه في كاسر جماله
للعذوبه
من شروق النور في ضيه
للشعر ف غروبه
من شطوط الكحل في عيونك
لنحرك
من بياض الثلج في خدك
لجمر قاد في ثغرك
وجهك اللي
ماأبد يوم لمحته
أو عرفته
لي سنين أتخيله
و أتخيلك
ياللي كلي بك معرفه .. وأجهلك
ماأصعبك .. كيف الأقيك
ماأسهلك .. لو الأقيك
ياللي دوم أتخيلك
مملكة حسن الزمن
وأنا الملك
التعليقات