مساحة إعلانية
920x160
تواصل معنا
البارحه يوم الاوادم خواشيع
في نومها وانا على الكوع واعي
همٍ يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزلت من صدقان عطلة الاسابيع
وعزلت من ضحك الوجيه الصناعي
وعزلت من بنين بامالي مشاريع
جميد برد ولانس الشمس ماعي
وعزلت من زرع الخلي البلاقيع
وعزلت من رفع الثنيه رباعي
من نفعة اللي ماطلبني منافيع
جميلةٍ في غير اهلها ضياعي
في اسواقها ماعاد لا اشري ولا ابيع
لا اخطيت من رفقة طويل الذراعي
اللي على الرفقه يسوقه دوافيع
هذاك تشرى رفقته ماتباعي
اما يشجعني على الطيب تشجيع
والا يعلمني حميد المساعي
والا ليا منه رمعني رواميع
وضاقت علي كل الفجوج الوساعي
جيته ويسرلي عسير المواضيع
وخلا خفايا خاطري له وساعي
معرفته ماهي معرفة طماميع
ماتنتج الاالغطرسه والضياعي
التعليقات