مساحة إعلانية
920x160
تواصل معنا
مع نفسي ياما دارت الحكايات
في سكوتي كلام وفي كلامي سُكات
أنا زاهد الدنيا وما فيها
وساعات عاشقها وفيها لأخفيها
حواديتي مبتطلعش برايا
وبحب أفضفض باللي جوايا
وبحس لما ببص في مرايا
مابين أنا وأنا إختلافات
معرفش أنا ده فصام ولا إيه النظام
أنا اللي جوايا سلام ولا ده الخصام
معرفش أنا ده فصام ولا إيه النظام
أنا اللي جوايا سلام ولا ده الخصام
قابل أبات مظلوم ومش ظالم
وساعات في حقي عمري ما أتفاهم
أنا اللي روحي فيا بتدندن
وأنا اللي قلبي مع الآدان يدّن
تشكيلة أنا عيوب على مزايا
تقدر تقول إنسان أنا وكفاية
حاجات وعكسها برده جوايا
واحد وديع والتاني بيهاجم
معرفش أنا ده فصام ولا إيه النظام
أنا اللي جوايا سلام ولا ده الخصام
معرفش أنا ده فصام ولا إيه النظام
أنا اللي جوايا سلام ولا ده الخصام
التعليقات