مساحة إعلانية
سمعت من نادى على راس عالي
رجم طويل يدهله كل جرناس
وانا شراته حرك الشوق بالي
في جو عالي مرتفع للسما راس
سمعت من نادى على راس عالي
رجم طويل يدهله كل جرناس
وانا شراته حرك الشوق بالي
في جو عالي مرتفع للسما راس
الله من طاري بفكر طرالي
سيطر على الاحساس عن كل هوجاس
خذني براس النايف اللي فضالي
والافكار من كثر الموازين تراس
جو المحبة والهوى كم صفالي
قطفت ورد من على الخد نفاس
لقيت به لي في ركونه مجالي
يرتاح به من كان بوقلب حساس
سمعت من نادى على راس عالي
رجم طويل يدهله كل جرناس
وانا شراته حرك الشوق بالي
في جو عالي مرتفع للسما راس
وجد طرالي والخوالي ذهالي
وقدت له من شمع الاحساس نبراس
واسقيت غرسه من معين صفالي
سحر حلال ينير حبره في الاطراس
لو ينقرا للي همومه ثقالي
تنفرج همومه ويصبح بنوماس
ولو ينكتب ثم ينمحى بالزلالي
يشفي الذي في صدره انكال وارجاس
سمعت من نادى على راس عالي
رجم طويل يدهله كل جرناس
وانا شراته حرك الشوق بالي
في جو عالي مرتفع للسما راس
بي من رسيس الشوق صعب المنالي
ما يندرك وصفه وللشوق رساس
وبي من ليالي شحها بالوصالي
للي غدالي بين روحي والانفاس
حسنه مثالي اية في الجمالي
عذب فؤادي وما رحم عذب للعاس
تذبح عيونه من فتون ودلالي
برموش تدمي كنها رماح نكاس
سمعت من نادى على راس عالي
رجم طويل يدهله كل جرناس
وانا شراته حرك الشوق بالي
في جو عالي مرتفع للسما راس
قلبه من الليعه مريح وسالي
وانا بقلبي نار حسرة وهوجاس
بيني وبين النوم حرب سجالي
ان جيت اغضي شفت لهموم حراس
يا كثر احمالي وطول احتمالي
والدهر معروف عنه شدة الباس
ولي ما يجاري حادثات الليالي
يتعب وكل وقت له اسلوب ولباس
سمعت من نادى على راس عالي
رجم طويل يدهله كل جرناس
وانا شراته حرك الشوق بالي
في جو عالي مرتفع للسما راس
حد بهالدنيا ابد ما يبالي
وحد في كل شي له حساب وقياس
ولكل امر لو تمادى زوالي
لا دامت افراح ولا دامت اتعاس
حد بهالدنيا ابد ما يبالي
وحد في كل شي له حساب وقياس
ولكل امر لو تمادى زوالي
لا دامت افراح ولا دامت اتعاس
سمعت من نادى على راس عالي
رجم طويل يدهله كل جرناس
وانا شراته حرك الشوق بالي
في جو عالي مرتفع للسما راس
التعليقات