مساحة إعلانية
920x160
تواصل معنا
لا تحسبني عليك أبكي من الأحزان
لا والله أبكي على نفسي وأعاتبها
صدقت ضحكة سرابك والمقدر كان
وشلون ما ألوم أنا نفسي وأحاسبها
ليتك تقدر جروحي اللي رجتك أزمان
وتكرم حشا خافقن حس بلهايبها
وليتك تصد بطيوفك ما تمر أحيان
وتبعد عن دروب عينى ما تقربها
لا تحسبني عليك أبكي من الأحزان
لا والله أبكي على نفسي وأعاتبها
ارحل بذكرى الغلا في عالم النسيان
وخل المواجع في قلبي لا تقلبها
ذابت شموع الوله في خاطر الولهان
وشابت حروف الغلا في يدين كاتبها
ما عاد لي في زمان الشوق والحرمان
وما عاد لي في دروب الحب ألاعبها
عزيت نفسي عن اللي شفت بالسلوان
خليت موج البحر يلطم مراكبها
لا تحسبني عليك أبكي من الأحزان
لا والله أبكي على نفسي وأعاتبها
التعليقات