مساحة إعلانية
حاسس نفسي جوة سجن تحت الارض في المريخ
مسجون جوة دماغي سر مش مهتم افكر فيه
الشغف بيموت و الجسم بيتحرك زي الأسير
الكلام بيتوه في الودن بيفصل الدايرة السرير
مخ مادة للتخدير جسم مادة للتكسير
كل الخطوط بتدعم فكرة فاقدة للتقدير
لسه عرضه للتأثير الف فرصة للتغيير
نص جسمي غرقان رم فقت لساني قال تكبير
فقت دماغي فوق الصور زي القهوة لما تفور
سد بين افكاري و بين كلام متنقي للسطور
القمة راكبة في الحنطور قاعنا سايق الحنطور
يوتوبيا تشد حرب زي بين الرحالة و بين منصور
جوة ارضي.. لسه تايه سنة.. واضحة
ياسطا.. هاتلي ورقة فجيلنا.. رابحة
لسه.. الالوان الغامقة.. طافحة
لما تنقي متتقلش الكفة الراجحة
لما قولتي لأ سيبتك ماشي زي الزومبي
مش منتمي لحد لسه تايه زي الزونكي
شايف نفسي ميت ساكت زي شريف الكوردي
كان في عشمي فيلم لنولان بس شوفت لوجو السوبكي
حوت ازرق في وحدة محدش لاقط التردد
مش لاقي اللي عايزه و اللي عازني اكيد طردته
دماغي تعادي في الروتين جسمي مبيسيبش صفه
طول ما الحجر ده والع مش هيفرق اللي رصه
دايما فاقد للتركيز قاعد بعد ما فكو الليش
داخل لجنة بماسك سكي معدي بصدفة مالتفتيش
محتاج سنة سلف استيم هش زي طقم النيش
لحظة توبة سامع الدنيا بتشرب كاس مع ابليس
و ادي الغربة.. الجدور مش ثابتة جوة التربة
قبل ما اقفل باب الاوضة برمي بصة اخر الطرقة
كانت فرصة.. بنفخ في الزبادي بعد الشوربة
مضمون بس محتاج وقت زي الاستثمار في البورصة
فانا مسجون فترة نسيانك زي اعلان من غير سكب
طفل شبطة بكتب و امسح بحتاج شدة لما تهب
بزق الستفة اكيد هتظهريلي لو هترب
زي انسيبشن ليكي دور بزورك فيه اما بفليب
لما قولتي لأ سيبتك ماشي زي الزومبي
مش منتمي لحد لسه تايه زي الزونكي
شايف نفسي ميت ساكت زي شريف الكوردي
كان في عشمي فيلم لنولان بس شوفت لوجو السوبكي
التعليقات