كلمات اغنية علم الراب – إسمعلي فايزة

اصعب حاجة لما حد يقولك لو بتحبنى متبكيش عليا ...

أسف خلفت وعدى بس دى حاجة مش بإيديا ...

اززاى لما يجينى صوتك أقول الدموع تخاصم عنيا ...

يعدى الشريط بصورتك حاجة جوايا تقتل فيا ...

أززاى كنتى بتقاسى و شايلة كل ده حنية ...

لحظات و ذكريات معاكى اهو ده باقى ليا ...

بحكى عالجوايا و اللى حسه مش أغنية ...

لو أحكى أد أيه مشتاقلك ربى وحده عالم بيا ..

. ضحكى كلامى قعادى جنبك ...

الماتشات فرحك سعادتك ..

طب قولك أد أيه بحبك ...

ضحكتك و طيبة قلبك ...

كنتى شايفك أمى التانية زى ما كنتى شايفانى إبنك ...

ربنا يعوضك لصبرك ...

روضه من جناته قبرك ...

تتمنى كله تحت امرك ...

ملكة الكل يستنى طلبك ...

وحشتنى قولت إكتبلك ...

و مفيش أحن من ل خلقك ...

عارف دلوقتى فى مكان أحلى ...

ربنا أمانته و خدها ...

اللهم لا إعتراض ...

بس غصب عنى دمعى فاض ...

بضحك معاكوا ف صبحى...

و ارجع أبكى وحدى ف ليلى ...

محدش بيعرف سرى وحدها بس مناديلى ...

مش هنساكى حاسة بيا و عارف إنك هتسمعنى ...

و فى دعائى بكلمك زى ما كنت بحكى ليكى ...

تمام حتى لو مش تردى عليا تكلمنى ...

يا روح طايره وسط النجوم ..

. مش بكتب حبر دى الدموع ...

بحن ليكى كل يوم ...

و بتمنى لحظة رجوع ... مطرة نازلة بدون غيوم ...

بعزف و الوتر مقطوع ...

بغنليك و انا منك محروم ...

حتى لو صوتى مش مسموع ...

صوتك ليا كان بيصحى ...

دايما تشجعنى و بتنصحنى ...

تدى عشان غيرها تضحى ...

تتمنى الخير تشوف مصلحتى ...

و مهما قولت مش بيكفى ...

قلب حنين دنيا يكفى ...

هعمل زى ما كنتى بتوصى ...

ي سايبة ذكرى جميلة فى نفسى ...

حب الناس ده اكبر جائزة ...

حبيبتى زى ما كنتى عايزة ...

شوفتى معايا جايبلك مين ...

قولتيلى لو بتحبنى إسمعلى فايزة

مش هنساكى لا هكتبلك و إستنى ...

لحد ما نتقابل على خير إن شاءالله ف الجنة