مساحة إعلانية
لما الشتا يدق الببان
لما تناديني الذكريات
لما المطر يغسل شوارعنا القديمة والحارات
القاني جايلك فوق شفايفي بسمتي
كل الدروب التايهة تنده خطوتي
كل الليالي اللى فى قمرها قلبي بات
مش جاي الومك ع اللى فات
ولا جاي اصحي الذكريات
لكني باحتاجلك ساعات
لما الشتا يدق الببان
كنا طفولة حب لسه في اوله
بنضم بايدينا الحنين وبنوصله
خريف نادانا والشجر دبلان
بردانة كنتي وكنت انا بردان
ضمت قلوبنا بشوق ولهفة نبضها
لما التقينا الخطوة عرفت ارضها
اجمل معانى الحب غنتها النايات
مش جاي الومك ع اللى فات
ولا جاي اصحي الذكريات
لكني باحتاجلك ساعات
لما الشتا يدق الببان
تتصوري
رغم اننا شايفين طريقنا بينتهي
تتصوري
لا عمري هاقدر ع الفراق
ولا انتى عمرك تقدري
لسه حنيني تندهلك رغم البعاد
ولسه زهرة حبنا بتطرح معاد
لكن بيغرق حلمنا ف بحر السكات
مش جاي الومك ع اللى فات
ولا جاي اصحي الذكريات
لكني باحتاجلك ساعات
لما الشتا يدق الببان
التعليقات