مساحة إعلانية
920x160
تواصل معنا
يا بوي انا ابنك ولوحه من تلاوينك
افرح لفرحك وما بكاك يبكيني
يابوي عمري تبسم من شقا سنينك
تحرق حياتك لخاطر تضوي سنيني
ما اقدر اوفي جمايل فضلك ودينك
مهما عطيتك ارى دنياك تعطيني
يرحل ودادي يدور عن عناوينك
يلقاك عندي وساكن وسط عيني
اعطش وتسقي حياتي من شرايينك
ابرد وقلبك من احساسه يدفيني
واخطي والاقي قساوة خوفك بعينك
نظره وحيده من عيونك تكفيني
لو عشت اقبل جبينك واشكر يدينك
ما اوفيك حقك ولا بوفي لك بديني
يا بوي دايم دعاي الله لا يهينك
يا من غرست المحبه والوفا فيني
التعليقات