كلمات اغنية علي بن محمد – ما عاد تفرق

ماعاد تفرق حضورك يشبه غيابك

عندي تساوت تصور كلها عادي

تغير الوضع مايشفع لك عتابك

وفر مشاعرك والأول هو البادي

ماعاد يغري دفا صوتك ولا أهدابك

قلبي وأعرفه لا من صد لا تنادي

اتعبت منهو رفع قدرك وغنى بك

قلبك بوادي ومعنى الحب في وادي

دايم تعاند دايم تجرح أحبابك

لو كنت صادق معي ما طول عنادي

عطيتك ألفين فرصة يمكن القى بك

قلب يعرف ويقدر قيمة ودادي

يا للأسف مات كل الحب بأسبابك

ماعاد لك قدر في عيني ولا فؤادي

كنت أول أموت فيك اموت وأحيا بك

واليوم فرقاك عني غاية مرادي