كلمات اغنية علي سعد – القصة

لما كنت أنا صغير الحياة كانت بسيطة ...

همي كلو كان ألعب واقعد ارسم على الحيطة ...

الأيام كانت تركد، وانا بس كان نفسي أكبر ...

بستنى المسؤولية وكنت مفكر إني بقدر ...

كل يوم عم بكبر أكتر، والمشاكل قاعده بتكتر ...

حاسس حالي بلعب Game, وال Mission قاعده بتصعب ...

عقلي تفتح فكري تغير، وبهالدنيا أنا مخير ...

مشاكلي قاعدة بتكتر والمواقف صارت أخطر ...

صرت أقعد أسأل حالي، والسؤال صار يزيد ...

حال البشر بي هالدنيا، والإنسان ليش عنيد ...

بحالنا شو سوينا، وين راح كل ماضينا ...

من الأساس الحق علينا وراس البالى منا وفينا ...

مختصر الحديث، إحنا بزمن خبيث ...

كل واحد همو حالو وصرنا أوسخ من إبليس ...

من إمتى وليش وكيف، صرنا فجأه هون ...

ياخساره شولي صار، وكيف إنقلبت الأمور!

__________

كل يوم القصة بتصعب، والدنيا قاعده بتخرب ...

الجاهل صاير يمنع، والفاهم بطل يسمع ...

كل يوم بتخرب أكتر والشر كل مالو بيكبر ...

الكويس مش عم بنفع، والمصدي سيار يلمع ...

__________

لعبو فينا وبهدلونا ومن بلادنا شردونا ...

حتى قطعة ما خلولنا!

من زمان، عاملين دراسة، القصة أصلاً سياسة ...

ويلعن أبو هالسولفة!

فرقونا وقسمونا وعأساس بدهم يحمونا ...

وزي الكمشة وزعونا!

وبخيبتنا مبسوطين، وين صرنا نحن مش دارين ...

بي ولا شي صرنا فالحين!

إعلام وهماله، وزرعو فينا السفالة، عودونا عالكسالة وغسلو عقولنا بالغسالة ...

راح الإحساس، مات الضمير، خرب الأساس، كل واحد حلمو بس يصير أمير ...

هما صارو هون، ولي هون صارو هناك ...

مش مهم الكلام الدنيا خربت من زمان ...

مش عارفين، وين وصلين ولا نحن مين ...

ونسينا خير المرسلين، ضاعت وصيت الأمين!

__________

آلو، رد علي أنا ضميرك، اسمع مني شو حاحكيلك وأنت حر تختار مصيرك ...

فكك من أم السياسة، إسمع مني بلاش تياسه ...

انسى هالسولافه، خوفي بكرا تصير وراثه ...

كلامك مش حيفيدهم، الضمير توفى فيهم ...

وقتك كلو ضاع عالفاضي، مستحيل حد يصحيهم ...

بدورو عالهماله شويت حب وكتير خيانه ...

الموضوع مش بس إهانة، صار الكون محتاج صيانة!

__________

كل يوم القصة بتصعب، والدنيا قاعده بتخرب ...

الجاهل صاير يمنع، والفاهم بطل يسمع ...

كل يوم بتخرب أكتر والشر كل مالو بيكبر ...

الكويس مش عم بنفع، والمصدي سيار يلمع ...

__________

يا دنيا إرحمينا ولي فينا إمكفينا ...

ضيعتينا وبهدلتينا والله يستر شو جينا ...

مش معقول شو هالكئابه، عاشين نحن بخرابه ...

القصة صارت سايبه، وأرحملنا نعيش بغابة ...

العِلة من تفكيرنا ومش لاقين مين يصحينا ...

قتلونا ودبحونا والله أعلم مين حامينا ...

خدرونا ونيامونا، على كيفهم بمشونا ...

نزلونا تحت الأرض وعالم تالت بسمونا ...

نسونا تاريخ جدادنا، كحشونا برى بلادنا ...

زرعو الفتنة من جواتنا وبكرا جاي الدور عولادنا ...

شو بدكم فهمونا صرنا خبصت معكرونا ...

خافو الله فينا شلتو الرحمة من قلوبنا ...

مشان الله إعتقونا، بعرض النور إختصرونا ...

الدنيا مش مستاهلة، صار الكوكب كيس زبالة ...

زي الشمس أمورهم وضحت، قصصهم كلها إنفضحت ...

ولك لساتها ما وصلت، على حالنا ليش عم نضحك!