مساحة إعلانية
عايم في بحر الغدر شط الندالة مليان
بقلوب مليها الشر والبر ماله امان
نجي الخسيس منه أما الاصيل غرقان
والقوي في قوته بس علي الغلبان
شيطان ضحك ع الكل والذل كان عنوان
نشر الفجور والظلم ما بين بني الإنسان
ولما قبضوا التمن الكل باع وخان
واللي عامل حبيبي على حقيقته بان
شايف الوشوش الوان بلياتشو وبهلوان
بمثلو الضحكة وبيصنعوا الأوهام
يا قلوب بلا مأوى جبل الهموم اقوي
فيها القوي ع الضعيف جاي بيستقوي
دنيا فيها الفاعل مبني على المفعول
الفرح فيها ماضي بابه صبح مقفول
مركب في بحر غريق والبحر موجه عالي
مبيفرقش ما بين عزيز ولا غالي
خلق وآخرها تراب عايشين في دنيا سراب
واللي كانوا حبايب دلوقتي بقوا اغراب
عجبي عليك يا عجب علي ايه بتستعجب
دنيا وفيها العجب هوه اللي مستعجب
عجبي عليك يا عجب علي ايه بتستعجب
دنيا وفيها العجب هوه اللي مستعجب
بحر اسيه وناس مش هي ووشوش عماله بتتلخبط
فين الطيبة فين حنية اصل الدنيا خلاص بتشطب
عايم في بحر الغدر شط الندالة مليان
بقلوب مليها الشر والبر ماله امان
نجي الخسيس منه أما الاصيل غرقان
والقوي في قوته بس علي الغلبان
شيطان ضحك ع الكل والذل كان عنوان
نشر الفجور والظلم ما بين بني الإنسان
ولما قبضوا الثمن الكل باع وخان
واللي عامل حبيبي على حقيقته بان
التعليقات