كلمات اغنية علي كساب – رسالة لشعب مصر

يصحا الصبح افكر هما الناس ليه وحشين then I get to the conclusion that they ain’t got no self esteem

Our society isn’t as “Muslim” as it seems

A group of uncultured religious fiends.

With a goal to break people into teams

How do you succeed when you come from a race of people منهم ناس بيغتصبوا بنت ف يوم عيد

مشهد يحزن اكيد لما الخبر اليومي يقول "حدث اليوم تحرش بفتاه قاصره علي خط المترو الجديد"

من تخلف الشعب اللوم بيترمي علي الضحيه، الناس الجهله البيغلطوا البنت و يرضوا بالاذية.

احب اوضح لكل شخص سكت علي ده

ان الاذيه مش مجرد جسديه، بل بلعكس الحقيقه انها بتحطم النفسيه، و بتكسر الشخصيه. و بتغير نظره الضحيه لنفسها و بتغير العقليه.

ليه يا اغلبيه تبقي غير سويه، ليه بس علي بناتك و اهلك تبقي مفتريه بلد مليانا شباب بس فين الشهامه و فين الإنسانية .

عقليه ان البنت تستاهل عشان لبسها ملفت، فكره غير ادميه.

بتخيل لو الدنيا بالعكس، و نازل من بتنا ب شورت، و ماشي عادي و كل حاجه طبيعيه، ولا بيل ولا عليا و الاقي ناس تيجي تسببلي اذيه بأشكال غير طبيعيه منغير اي اسباب منطقيه

و المشكله واضحه زي الشمس.

اسمها التفرقه العنصريه ، ينبع من نتائجها كره الذات و تحطيم الطاقه الروحيه.

الحبس بتهمت جنسك و سنك و العدات و التقاليد

و فل حقيقه ان عمرك ما هتستفيد من العادات و التقاليد.

عشان برضو مع وجودهم لسه كل يوم في خبر تحرش و اغتصاب جديد.

البنت و هي نازله بيتقالها هتلبسى واسع، تقول لا يا ماما هلبي الفستان الجديد، ماما تقول مش هيحصل اكيد، ممكن مجموعه شباب تشوفك من بعيد و لبسك هيبقي ملفت ليهم اكيد، البسي واسع و خليكي عن طريق الناس بعيد.

عينك ف وسط راسك ، و لو سمعتي صوت صفاره من

بعيد سدي ودانك عشان بيتبعه كلام سافل اكيد.

الاستاذ المحامي نبيه الوحش يقول ان لو البنت مش ملتزمه بالعادات و التقاليد ، ان يبقي اغتصابها واجب وطني اكيد.

طب قولي يا متر مين المستفيد، لما كل يوم الناس البتتحرش ببنات الناس بتزيد و ده سبب من اسبابه كلامك البيحرض الشباب علي الافعال ده اكيد

و لو دققت فل كلمه، هتلاقي عادات و تقاليد معناها انك شخص بيقوم بفعل تقليد لناس اخر يوم فحياتها كان يوم بعيد عن اي شيء يسمي معاصر او جديد.

حاول تعتبر تفكيرك، حائط من الفولاذ و الحديد، لا يتطرق من اي هجوم من قريب او بعيد

ابعد عن اراء الناس و شكّل لنفسك تفكير جديد. و يبقي منطقي اكيد.

التحرش اضخم مشكله البنات بتضتر انها تتعامل معاها يوم ب يوم . و اكيد انتو فهمين انها اكبر من خطر الكورونا او اي مرض جديد.

و كلمت كما تدين تدان قوتها حقيقة اكيد

و ان كل شخص مد ايد لمس جسم كان رافض و قاله شيل ايدك و خليك بعيد.

ان الحق حق اكيد، و نفس المشهر هيتعاد ف امك و اختك و اليخصك اكيد.

اتمني كل شخص متحرش من كلامي يستفيد و يبعد عن السكه ده، و يحاول يبقي انسان سوي و عن سكه بنات الناس بعيد.

١٠٠٪؜ من حالات التحرش و الإغتصاب خطاء المغتصب