مساحة إعلانية
الكلمات :
كانت واقفه ساكته .. قالتلي مش هينفع اسفه
همشي و خد بالك من نفسك و انا عارفاك مبيهمكش هتنسي
و انا بيني و بيني سكت
مكنش طبعي ابين لا ده انا اموت بتلوي و مصعبش ع حد
شوفت خصلة شعر طالعه من طرحتها فـ عدلتها
قولت تمام بضحكه صفرا خوفت من اني اكسر نفسها
كنت شايف زهق .. كنت بكدب نفسي
عينها كات بهتانه بترتعش من البرد ولا مني
مطرت ومشيت و انا فضلت مكاني ثابت
عيــطت و مكنش باين الدموع من من مطر بارد
كان جوايا مكركب كنت هصرخ بس لقيتني بكتب
كنت هعيط بس ملامحي ضحكت و انا مش فاهم حاجه :)
كات شتوايه بصوت فيروز و حزن عينها
اشتقتلها و ما بقدر احكيها و ما بقدر حتي اشوفها
بعدها عم تيجي ع بالي تركنا بعض فـ اخر الشتا
تركت الحب و خدت كل الاسي
-------------------
استنيت لوحدي حفظت شكل اوضتي
كنت متلج وانا متغطي السقعه فـ قلبي مش فـ جسمي
كنت بنهار بس بكابر بتوجع لكني راجل
بتقتل لكني راضي البرد سابني عايش بس فاضي
استنيت لوحدي حفظت شكل اوضتي
كنت متلج وانا متغطي السقعه فـ قلبي مش فـ جسمي
كنت تعبان مش بمثل كنت لوحدي و مش كويس
كنت بكدب لما قولت سيبوني لوحدي هبقي لوحدي احسن
------------------
كات عنيها وارمه من العياط وكان باين ع صوتها
قولتلها انتي تمام ؟ قالتلي بخير و شوفت دمعه فعينها
انا ربتها .. و بنتي عارفها اكيد هتكابر
مطرت السما فـ ساعتها و خدتها جوه حضني فـ نص الشارع
اسفلك اني مكنتش من مقامك و اتعلقت
بلاكونتك كات عاليه عليا وانا تبت و اديني وقعت
و مش مستاهله .. انا هبقي كويس صدقيني
لو بتسمعي الكلام ده افهمي انا لسه باقي عليكي
زهقت من رسايل بكتبها وبمسحها
انا مليت من اني اراقبك من بعيد و اشوفك ماشيه
و اسهر طول الليل فحته كنت بستناكي فيها
و احكي عنك ليه معرفش لناس معرفهاش كل ليله
لما تيجي سيرتك بزعل .. بلمحك فالشارع
بلمح اسمك حتي فـ اي حته بتعكنن واضايق
و كأن الدنيا واقفه من يوم اما مشيتي
لسه انا واقف تحت المطره ولسه البرد متلج ايدي
-------------------
استنيت لوحدي حفظت شكل اوضتي
كنت متلج وانا متغطي السقعه فـ قلبي مش فـ جسمي
كنت بنهار بس بكابر بتوجع لكني راجل
بتقتل لكني راضي البرد سابني عايش بس فاضي
استنيت لوحدي حفظت شكل اوضتي
كنت متلج وانا متغطي السقعه فـ قلبي مش فـ جسمي
كنت تعبان مش بمثل كنت لوحدي و مش كويس
كنت بكدب لما قولت سيبوني لوحدي هبقي لوحدي احسن
------------------
التعليقات