كلمات اغنية عمرو جابر – زمانك نسيتي

مين اللي قال انّي بعدك تمام

وانّي فِـ غيابك سهل انّي اعيش

غلطت وبعادك دا من عمايلي

وبعدك باعيش اللي باقي فِـ مافيش

ماكُنتش مِفكَّر هاحِن وهابوح

وادوَّر عليكي فِـ قلب الجروح

واقلِّب فِـ صورتِك واكرر فِـ سيرتِك

حقيقي خسرتِك وحقّي أنوح

زمانِك نسيتي وقفلتي البيبان

ولو جابوا سيرتي تقولي: «الجبان»

مقدَّر وفاهمك وحاسس بهمِّك

وندمي حقيقي عليّا يبان.

بخاف انّي اضمّك فِـ عز الغياب

والاقي ضلوعي بتحضُن فِـ ريحتِك

واخاف الشوارع تشوفني لوحدي

فتاخد وتِدّي معايا فِـ سيرتِك

ولسَّه واحشني سلامك.. كلامك

وحتّى ابتسامِك وشكل العنين

لكنّك تخافي تعيشي فِـ دنيا

صاحبها شعوره ما بين البينين