مساحة إعلانية
صباح الخير يا مراتي صباح الخير يا حياتي صباحي دايما يضحك وانا عليكي بنادي صباحي دايما احلي وانا علي طول وياكي ومعاكي طيب يلا هاتي قلبك وتعالي اسمعي دي كلاماتي وبيها عليكي بنادي.
بدايتنا كانت كلام مطلعش مني ولا منك بس يوميها كان باسمي وبرده كان باسمك ودي كانت بداية لبطاقه فيها اسمي جنب اسمك مراتي وام عيالي ودي هتبقي حلالي ودي هتبقي حقيقه مش بس في خيالي طب خدي هنا تعالي واسمعي القصه من اولها ومتخافيش مش هعيط وانا بقولها من زمان وانا بدور
عليكي تكوني بين اديا تمام زي ما كنتي انتي بتدوري عليا وانتي حاسه وانا حاسس انه مش حب عادي من اول ما قلبي كان عليكي بينادي وبيقول انا نفسي في واحده تحس بيا تخاف عليا يارب بس تيجي هي بين ايديا وانا اشيلها جوه عنيا واقفل عليها محدش غيري له فيها محدش غيري هيحس بيها هي ليا انا لوحدي ووحدي بردو انا ليها.
كان فينك من زمان ياحته من الجنه كان فينك من زمان يامراتي يانور عنيا يا مراتي يا كل حياتي بصي عليا وهاتي عينك جوه عنيا هتحسي ساعتها باللي فيا ها حسيتي باللي فيا؟ عنيكي حضنت عنيا فاكره اول مره انا وانتي شوفنا بعض فيها نظرة عنيكي قالتلي اللي فيها ونظرة عنيا قلتلي هي دي اللي بدور عليها وكل اللي فيها انك ليا وانا ليكي فاكره تاني مره لما سعتها لمست اديكي وقلتً ليكي بحبك وانا جوا حضنك وحضنك ليا نساني كل خوف كان جوايا وكفاية عليا نظرة عنيا جوا عنيكي وحضنك ليا وانا بين اديكي.
حبي ليكي كل يوم بيذيد مش عارف مالي بس القلب لما يريد كل يوم احساس جديد بحسه ليكي وانا فرحان بفكر فيكي وانا سرحان وياكي بحس بالامان وانا عارفك من زمان وخلاص آن الاوان اقول بحبك قدام اي انسان يا محلاه الاحساس وانتي حبيبتي وسط الناس وانتي حبيبتي يا اغلي الناس.
بس انا مش عايزك تبقي مني زعلانه ولا في يوم علي حبنا تكوني ندمانه الوحش فينا هنداريه والحلو فينا هنلاقيه بيني وبينك حجات كتير مشتركه ودي بالصدفه جت بالبركه يا بركة دعاكي ياامي ليا وانتي بتصلي حجات بسببك بتحصلي دعيتيلي ببنت الحلال اللي تقدر تشيل في يوم عيال وانتي يا مراتي هتبقي حلالي مراتي يا مراتي وام عيالي هاخدك في يوم من اهلك ويارب اكون استاهلك اني اكون جوزك وكل اهلك وانادي عليكي واندهلك يا مراتي يا ام عيالي يا مراتي يلا تعالي.
التعليقات