مساحة إعلانية
بنقول الحمد لله مستورة أكننا عايشين
بنصبر نفسنا وبستر ربنا ماشيين
يا بياعين الفرحة منين هنحلم كل ليلة
أما إنت بكرة تستوعب إنك بقيت وحيد يا ويلك
على ما أظن الواحد حاله يغم
الحلو بيتنسي بسهولة والوحش بيعم
شكراً علمت قلبي إزاي يعيش ميحتاجلكش
وع اللي فات فابكرة هنسى وع الهموم شيال متخافش
شوهت بإيدي كل حلم حلمت بيه من قلبي
مش هنسى إن أنا قضيت أصعب أيام حياتي لوحدي
محتاج شوية وقت هبقى تمام محتاج أنام
محتاج حد يواسيني ع الأقل لوحدي أنا ملان
ربك بيحبك عايزك ترجع للطريق وتتوب
مش عايز أعيش مغلوب أنا بقلبي الأبيض ده معيوب
ياما الزمن كسرني أنا اتغيرت عن زمان
متجيش دي الوقتِ تلومني إنت اللي سيبت واللي بينا كان
مش عارف حتى أشتكي مش فاكر ضحكتي
ما الأغاني مش بتوصف والكلام مبقاش يتكتب
الدنيا اتوزعت بالعدل وإنت الحزن نايبك
ظهرك إتكسر من ناس قولت عليهم في يوم ملايكة
متصدقنيش لو قولت إن أنا هنساك وأعيش
مسامحك بس مش مسامح فيك
هتلاقي غيري كثير بس اللي زيّ قليل
بعد ما كنت بدعي لينا بقيت بقول يا رب هون
بقيت بقول
هنساك وياما دقت ع الراس طبول
يوم ما أميل إسندني أصاحبي الدنيا مش بتدوم
هو ده المكتوب لازم تشوفه إن شئت أم أبيت
بلاش تهين نفسك مع غيري قلبي معاك راهنت عليك
يومين وهنسى هقوي نفسي بنفسي وأقسى
أتمنى الدنيا تحن عليك من بعدي وأشوفك بكرة أحسن
ياما جات على الجدعان أيام وياما ضحكت
فجأة العالم كله ظلم وفجأة اتيسرت ومشيت
النوم بقى صعب والكوابيس مابتسيبنيش
كل الناس بتشوفني بضحك بس محدش شافني في الكواليس
الحزن هنا ملهوش مفر العمر اتجر
كل الناس بالناس بتقوي إلا إنت قلبك الحزين إتضر
ميغركوش الهم بينحت في الوشوش
اختارت أعيش وحيد منبوذ وينوبني من الفرح رطوش
كل اللي كرهته عملته وصابني اللي اتفاديته
بقيت إنسان غريب أنا نفسي مش مستحمله وأذيته
مش عارف حتى أشتكي مش فاكر ضحكتي
ما الأغاني مش بتوصف والكلام مبقاش يتكتب
الدنيا اتوزعت بالعدل وإنت الحزن نايبك
ظهرك اتكسر من ناس قولت عليهم في يوم ملايكة
متصدقنيش لو قولت إن أنا هنساك وأعيش
مسامحك بس مش مسامح فيك
هتلاقي غيري كثير بس اللي زيّ قليل
بعد ما كنت بدعي لينا بقيت بقول يا رب هون
التعليقات