مساحة إعلانية
كش الملك عالمسرح بسألك و الجمهور مرتبك
عمري ماكنت امير بحار و عمرك ما كنتي تيتانك
احنا اتنين بساط رماد قلوبنا مالوثش الطبيعه
محدش اهتم لقصه حبنا لما انهارت فا سيبك
كل اللي فات رصاصي مشفتوش السواد
انا نفس قهره ساحر ضيع عمره بيبحث علي الخلود و مات
الهم كان جدع معانا زاملنا محلناش
عاشرنا اوباش الشارع ربا فيا و ساب علي الكفوف علامات
اول درس اتعلمته حقي محلوش ديما
الخشا في الرجال بيجيب الفقر الجيب الفاضي عايبك
الحشيش مكانش حلك الدخان مكانش نايبك
عشت طول حياتك ليه بتخاف من الموت مع انه احسنلك
جوه دماغي ملاك بيهدي فيا ديما لما بضعف
فاكر اول مره قتلت حد كنت فاكرها اصعب
الجمهور سكت و اهتم فجاه و فجأه الكل سقف
الملاك زارني في القبر و قالي نفسي اقتلني زيك
عشتها طشاش
قد ولت ساعه القصاص
هتموت لو متنفستش مش هتموت و تفارق كل الناس
هتفارق و تفارق هيتبقالك روح
عشت ايام بعذب فيها و مع ذلك خلاصها مكانش الموت
عشتها طشاش
قد ولت ساعه القصاص
هتموت لو متنفستش مش هتموت و تفارق كل الناس
هتفارق و تفارق هيتبقالك روح
عشت ايام بعذب فيها و مع ذلك خلاصها مكانش الموت
الطيبون للطيبات فا شوفي نصيبك
انا مكنتش يوم ابليس بس الكون اتهمني بحب غيرك
كانت عيشتي متكعبله مش سهله و تتقضي
زي ماكون بقرا في كتاب 100 صفحه و اخر سطر عليه شخبطه
و المفروض تستني كل شئ يتعدل
لسه عيل دا مش عدل تتهموني ليه بالفشل
المزيكا اللي انتو شتمتو فيها اكتر حد سمعني
لولا جمهور طيب خاطري كنت ممكن اموت نفسي بدري
الناس دي شافتني في اسوأ وقتي و عملو نجم
الناس دي لسه مأمنه بيا و بكرا هنوصل سوا و دا مش سهل
مش هنكر اني كنت ديما اضعف و ايأس
بس في ناس انا جزء من حياتها مينفعش اني اوقف
هنتقابل قدام هخف بالايام و القهره هتبقي في عنكم لما تقولو كان صاحبنا زمان
بياع الورد مش هيبقي مجرد اسم هكون كيان
احنا اللي بنعمل الاغاني احنا الاغاني معملتناش
عشتها طشاش
قد ولت ساعه القصاص
هتموت لو متنفستش مش هتموت و تفارق كل الناس
هتفارق و تفارق هيتبقالك روح
عشت ايام بعذب فيها و مع ذلك خلاصها مكانش الموت
عشتها طشاش
قد ولت ساعه القصاص
هتموت لو متنفستش مش هتموت و تفارق كل الناس
هتفارق و تفارق هيتبقالك روح
عشت ايام بعذب فيها و مع ذلك خلاصها مكانش الموت
التعليقات