كلمات اغنية عيضة المنهالي – بالصراحة

بالصراحة وين سرت و وين ييت

ما نهب قلبي مثل عينك نهب

والله إني مول مثلك ما لقيت

يا شبيه الكوكب اللي ما غرب

خذت من خود الجمال إن ما بغيت

و انحصر داخل رصيدك و انحسب

إن قبلت ب ذا الحسن ولا قفيت

لي يشوفك قال وش هذا العجب

إنت من بنت المهايا قد خذيت

الحسن كله يا مسمرّ الهدب

معك ع شاطي المحبة قد رسيت

من بعد رحلة يحلّيها التعب

دامني من ورد حبك قد جنيت

مركب أشواقي وسط بحرك سحب

يا شذى روحي تدلل وش بغيت

يوم إسمك في خفى الخافي إنكتب

قمت أقبل الأرض لي فيها مشيت

يا رفيع الذوق يا عالي النسب

يسعد الله من على إيده ربيت

و إسمك الواضح قبل إسمه انكتب

من زمن صغرك على القمة نشيت

لو يوصفون الذهب إنت ذهب

الصراحة وين سرت و وين ييت

ما نهب قلبي مثل عينك نهب