كلمات اغنية عيضة المنهالي – عليك أقرب

سريت يوم القمر ساري مثل الثريا وتوابعها

عليك اقرب شوي شوي اخف الاقدام وارفعها

مثلك ضبي زين صيده حي يوم الضبا في مراتعها

يا رغبة الجارح الضاري قنيصته ما يضيعها

دعواي دعواك مثل دبي تتوهك في شوارعها

لي من خلص شي يظهر شي وعملاق الابداع يدفعها

من وين ما روح وين اجي نارك بصدري مولعها

نار لهبها كلاني حي ولا غيرك يدل موقعها

مجمول معزول خصرك لي والخيل ماخذ تقاطعها

وشعر على المتن مثل الفي تلعب بطوله ذعاذعها

فيني من الوجد ما يكفي خفف علي لا اطبعها

ويصير لي ما درى يدري والناس ترخي مسامعها