مساحة إعلانية
تكة
ماتخنقنيش
أنا على شعرة
ما تسمعنيش
كلام شعرا
ما تنرفزنيش
مش ناقصة
ما تحسبنيش
في القصة
على أخرى
فضلى شكة
ما تأفورش
أنا على تكة
كنت فاكر
السكة سالكة
كل ما أعدى
أسلاك شائكة
عقلى مجرات
الدنيا وقفة
جوايا صراعات
زى الشبكة
مش مقسوم
اتنين لأ أكتر
واحد مقسوم
يعنى مكسر
وكل كسر
واحد أكبر
من الكل
بنات أفكار
أشباح تطل
أنا مش أرسطو
جوايا نيتشة
أنا مش ملاك
شوف الشلة
ميكافيلى، دالى،
دانتى، كوميديا إلهية
مافيش موناليزا
لوحة سريالية
حياتى ملحمة
مش مسرحية
برة الخشبة
الواقعية السحرية
جوكر على الشاشة
مش في الكوتشينة
فى الكواليس بلياتشو
بيرسم ضحكة حزينة
في الحياة تارنتينو
سكار فيس ألباتشينو
النظرية النسبية
الفيزيا الكمية
الفلسفة الوجودية
الذاكرة الإنفعالية
تداعى المعانى
علشان يكونلى لازمة
لازم أعانى
شكلى مسيح
جوايا ميت يهوذا
بحب بروس لى
مابحبش غاندى
ولا بوذا
مش بمشى في الصحرا
موسى
مش هكون في قصر مصر
فرعون
بحارب الهيدرا، وبحارب ميدوزا
وهموت في الأخر شمشون
التعليقات