مساحة إعلانية
لون رمادى
حبك كان دمار
كان إختبار
مش إختيار
لما سبتى
قلبى
ضرب نار
كأنه تار
بينى وبينك
مسافات
خد وهات
الضحية
قلبى الى مات
الزمن الى فات
من حياتى
هيتنسى
لكن جوايا
عارف مين قسى
بتقولى كسبانة؟
لا خسرانة
مين فينا
إلى عانى
القاتل ولا القتيل
طفيتى من الشمعة
الفتيل
مافيش مستحيل
شيء جميل
تلقى دليل
لذاتك
تعيش حياتك
بدون جراح
تنسى الى راح
علشان ترتاح
ماشى صدقينى
خلاص سماح
الحب ساعات وساعات
وقت حلو
ووقت مات
وقت جاى
ووقت فات
الحب ساعات وساعات
بكرة جاى
جاى بكرة
والى جاى
أكيد هيحلى
هاييجى بعدك
يخلينى أنسى
يعنى ما أنتهتش
بيكى قصة
حياة ف بعدك
فيه تانى لسة
الدروس
بتكون مفيدة
بستبدل حياة
بحياة جديدة
الحياة بتستمر
يوم يمر
طعم مر
يوم يسر
المشوار هيكمل
كنت فاكره
بيكى أجمل
بس الحقيقة
كانت قصادى
أنتى لون رمادى
شخص عادى
مش فريدة
الأحلام مش أكيدة
النهايات مش سعيدة
الإنتصار مزيف
المنتصر مهزوم
الضحكة الأخرانية
خليها وقت اللزوم
القصص كتير
كلها خط سير
علشان الخير
ساعات البطل
بيموت بضمير
الحب ساعات وساعات
وقت حلو
ووقت مات
وقت جاى
ووقت فات
الحب ساعات وساعات
الحياة مش مسرحية
البطل بيكون الضحية
مش ههرب م المسؤولية
ولا هطالب بدفع دية
ديه القضية
أنك ماتنفعيش
تكونى ليا
الطريق
إتجاه معاكس
القمر
بس عاكس
الحياة
كنتى فيها ضلمة
لما كنت نورها
كان قلبك لنورى
حابس
وكان مصيرها
تبان
تتفتح البيبان
ويتمسح المكتوب
ع الحيطان
والمشاعر تبقى أدفى
قلبك كان لازملة وقفة
لما إفتكرته دق دقة
كانت المفاجأة
أنه قلب خداع وغادر
خدت ساتر
بس كان السهم قاتل
كنت فاكر أنا إلى عاقل
بس دمعة
خلتينى في حبك أعمى
قبل ما أشوف الحقيقة
محتاجتيش غير دقيقة
وتكمل جريمتك
ليكى قيمتك
مش هكابر
أنا مغادر
بس هاييجى يوم
وأشوف هزيمتك
التعليقات