كلمات اغنية فرنزي شيڤا – هروب إختياري

عمر الهروب مايفيد .. اصحى نور حياتك

قلب في ذكرياتك

هتلاقي الف حاجة و الف حاجة عشان تعيش

اف حاجة عشان تعيـــــــش

,,,,,

مبتشبعش باخر بصة عالحاجة اللي عينك منها..

بس بتعشق اول لحظة فيها حلمك تبقى دايمة..

دايما جواك الابيض اكتر مهما عليك اغمقت ..

شايفك قاعد ف الضلمة ف اخر طرف نور متبت..

بيحاولوا يقنعوك بغلطهم صحك دايما يكسب..

لو توهوك في طريقهم انت بردو بتعرف توصل..

سفينتك مابتوقفش مهما موجهم خبط فيها..

بين كل ضربة و خبطة دايما بتقوي ف مقاديفك..

يوم ما سمعت منهم كلمة ف قعدة جت ع جرحك..

حاولت تخبي بضحكة عشان ميبانش ده ف ملامحك..

ماتعودوش عليك ضعيف فمنعت دمعك ينزل..

حاولت تمشي بعيد وجرحك مش بيبطل ينزف ..

قلبك نقطة ضعفك الوحيدة اللي بتغلبك..

اشمعنى ديه بالذات اللي انت ضعفت لما سابتك..

بتفكر كل ليلة فيها و انت مش ف دماغها..

الحلو مبيكملش ولسه مرها بيندهلك..

............

لو الظروف حبستك

عافر خليك حر

خليك دايما عارف

كل مر هيمر

اوعى تيأس تسلم تقف محلك سر

خلي املك كبير

توصل يوم للبر

................

خلصت جامعة اخيرا والدنيا ابتدت تضحلك..

مرحلة جديدة بتبدأ هتعافر بكل طاقتك..

مش هشتغل بشهادتي مش حابب مجالي اصلا..

لقيت اللي بتحبه لقيته بس ناقصني خبرة..

جمع كورسات و احشي ال cv عشان تكون accepted..

اول ٣ شهور اصبر شوية عشان تتثبت..

مبروك هتمضي العقد مرتبك نص احتياجاتك..

الهدف من شغلك تكتسب خبرة جوه مجالك..

عدت ٣ سنين محلك سر العمر بيجري. .

دايرة احتيجاتك بدات تكبر بدري بدري..

الخوف اتملك منك والضغوطات عليك بتزيد..

طبعا حلمك بدأ يصغر نفسك بس تفتح بيت..

دور ع شغل تاني بعد الضهر يأما تسافر..

غلطة من مفيش وقلة حيلة اخترت تهاجر..

هروبك اختيارك روح الغربة بتشاورلك ..

الحلو مش هيكمل طول ما مرها بيندهلك ..

.....

لو الظروف حبستك

عافر خليك حر

خليك دايما عارف

كل مر هيمر

اوعى تيأس تسلم تقف محلك سر

خلي املك كبير

توصل يوم للبر

..................

ركز في دراستك يامحمد سيبك من لعب الكورة..

هي اللي هتعملك قيمة وسط الناس وهيبوصولك..

طب هلعب في الاجازة بس يابابا بعد اذنك..

كابتن ريعو اكتشفني و قالي في يوم هيعلى اسمك..

نجريج بسيون لطنطا وعثماسون كانت البداية..

سافر عشان يتمرن كل يوم واخدها هواية..

ظروف عيلته المادية كانت رافضة مستقبله..

معهد بدل الكلية وكان ٢٠٠جنيه مرتبه..

وصل للدرجة الاولى مش في القمة لسه بدري..

بدأ يثبت رجله بعد اول جول في الاهلي..

عيون كتير عليه .. حلمه كل يوم بيقرب..

رفض الزمالك ليه خلاه يتحدى كل القارة..

قبل ال٢٥ من عمره اوروبا عرفت اسمه..

على عرش كل جايزة مو صلاح بيتهتفله..

العالم شاف نجاحك ضحكة مكة ساكنة قلبك..

الحلو مسيره يكمل حتى مرها اتأسفلك..

..............

الدنيا زي لعبة

سهلة او حتى صعبة

اصحى نور حياتك

هتلاقي الف حاجة و الف حاجة عشان تعيش

الف حاجة عشان تعيــــــــــش

...........