مساحة إعلانية
فيروز : ريبال شو الأخبار؟؟
نصري : رجعوا الخيّالي اليوم من السفر .. رجعوا جابولي عن العسكر خبر
فيروز : هات خبّرنا
نصري : خيل عم تسحب وراها الويل .. ومرق خاطف من سنابك خيل .. فرسان من هالميل .. وفرسان من هالميل .. جرّحوا الليل وجرّحوا بعضن .. وانخلط دمّن ب دم الليل .. وانحفرت وجوهن ب وج الليل
فيروز : ورجالنا ؟؟
نصري : قتلى عم يعضّوا التراب .. كانو شباب .. مبارح أنا ودّعتن وكانوا شباب .. عم يرقصوا ويهيصوا .. كيف ب دقيقة الناس بيخلصوا ؟؟
فيروز : هيدي الحرب
نصري : هنّي كتار وجيشهن زايد عدد
فيروز : هنّي كتار يكون والوعد انوعد .. ريبال كون المجد بتكون العدد
نصري : برجع كإني طفل .. إحلم وإتمنّى .. ب صير هلّق متل ما كنّا .. وليدات .. نلعب ونعمل حرب .. نربح وما ينقص حدا منّا
فيروز : يا ريت .. يا ريت .. يا ريت فيي صرّخ ب وج الكبار .. قلّهن حاج تلعبوا فينا .. أحرار بدنا نضلّنا أحرار .. ولا بد ما شي نهار توصل مراكبنا على المينا .. يا ريت .. يا ريت
يا ريت فيي دور حرّر هالعبيد .. ضوّي الفرح ب قلوبهم جبّلن العيد .. إحمل السيف ب إيد وبلادي بإيد ..
نصري : يا مولاتي الأرض ال إنتي منها شمس وريح وشعب يدافع عنها .. والكرامي منها .. والحضارة منها .. ومهما تصرّخ روما وتطغي وتعصف روما .. مش رح تقدر تقطف وردي منها
فيروز : ومهما تصرّخ روما وتطغي وتعصف روما .. مش رح تقدر تقطف وردي منها
التعليقات