مساحة إعلانية
920x160
تواصل معنا
قعدت الحلوة تغزل بمغزالها
و تراجع حساب العتيق ببالها
عمر الهوى حكاياتها عهد المضى
وكيف غنّت للحلو موّالها
مش فايقة حكيت معو من أيمتي
مش فايقة يمكن بأيام الشتي
سألت اذا بيحبها وقللا اسكتي
وقرب ومدري شو ترك ع شالها
قدّيش يوما انقال وتْأَلّف حكي
وقدّيش وعيت هالمخدة عالبكي
شو تغار شو تخبّي ولا كانت تشتكي
و غير القمر ما كان داري بحالها
واليوم حلما زهّر وعاشوا سوى
وبعدا ظنونا كرم بمهبّ الهوا
وجروح ليش تعدّها جروح الهوى
مازالها تركت بحقلو غلالها
راضية بفيّة عيونو راضية
وناسية كلّ الجروج الماضية
وبدموعها البيضا ع حبّو ماضية
حبّو سماها وأرضها وتلالها
التعليقات