مساحة إعلانية
من بعد اخر سلام رجعتي وقولتي انك شرياني
الواقع قال ماكنش في كدب اصدق من انها عايزاني
مافيش اخيب من اللي عشقته يدك قلبك دك
مادمت بشر كان طبيعي هتغير بعد الشك
كل اللي اتبني علي كدب بيكبر كدب شكل ومعني
اكتشف كنت بحلم بس انا وانت الواقع مش هيساعنا
وتجرك الايام من دار لنار شايفها الجنه
سوءت الاختيار بتبني وتنتحر من اعلي المبني
وندور في نفس الساقيه تجيلي ماردكيش
ونقول ع الباطل حق عشان الحق دان مابرأكيش
غلطت م البدايه حياه مع كدب مابتمشيش
بتداري عين الشمس بالغربال وعامله مابتشوفيش
تضيق الدنيا في عيني صدري وراسي مختلفين
انا وانتي عيشنا ملحه السم طبيعي عيشنا ميتين
وان كان راضيكي فيا الهم وتخذليني عادي سنين
تروح وتيجي غيرها انا اللي راضيني متفارقين
كل اللي قالوا مش نفعاك كان فوق قسمهم قسم
علي عينهم النهارده بدفع تمن ثقتي ندم
انا بكره مع الايام اشد عود ضهري اللي اتقسم
الحب مش كفايه بدون كرامه كل اللي بنا عدم
تعبت كتير واستحمل لاجل اللي بينا مايفضل قايم
واللي تعبت فيه لسنين بيعلي و تهدمه المشاكل
واضحك علي نفسي كل مره واقول خليك متفائل
الوهم واخدك سابع سما فاتفوق علي حال في النازل
من بعد ايام بفكر شوفت هروبك كان فراغ ابعدي
انا وانتي ازمة ثقه ووعد اتهد مش هيتبني
بصي اللي ضاع كفايه ومش لازم تضيعيني
غير اللي بينا كرهته بسببك اكتر ما انتي بتكرهيه
ايام تجر ايام تجر شهور وانا واخد جنب
اللي بيخرج من وريدك اسهل ما تخرجه م القلب
بيني وبينك اللي عيشته بحمد ربك عدي
صعب تكون حقيقتها واضحه زي الشمس لكله الا انت
الليل طويل وذكريات تحن
لماضي واجع
وحبيبك اللي فات زمان
ناسيك وبايع
وحلفنا باللي بينا
انسي وتنسيني
ولفــــين ياخدني الليل
لمكان ينسيني
علي اد ما اتأزمت كرهت كل يوم عشناه
ونتيجة التفكير قررت ابعد وابص للحياه
ماكدبش انا اتعلمت الحب لعنه ماتقربش
والاهمال كان سبب الملل وده اول مسمار في النعش
مين فينا مشي الطريق في حياته والدنيا ماجتش عكس!
وانك مهما تكون راجل انسان وارد تقع تتهز
دخلت في حياتي واحده خلقت الامل م اليأس
فجأه لقتني بضحك ليها وضحكتها بتشرقلي الشمس
ظهرت في حياتي فجاه قالتلي ان العلاقات مش كده
في اللي في عز المحنه سندك ضهرك مش سبب المشكله
واللي مايكسرش الضهر ينشف قوم كمل هينه
خفت من اللي فات يتعاد سيبتيني فقيد مريض الثقه
فجاه بتجري الايام من بعد ما وقفت بيا سنين
ماكدبش عليكي خوفت اعيش الماضي مرتين
ولان الحب بيجي فجاه بدون سابق ترتيب
فجأه قالتلي بحب الميزه فيك و قبل الميزه العيب
قوليلي مين قالك ترجعي انا بطلت استني
انا ماشوفتش منك حاجه الا جهنم انا في الجنه
مش هنكر اني كنت بحبك وانتي مش مستاهله
كل محنه عيشتها فيكي هي دواتها لاجل ما انسي
كان عندك بدل الكدبه الف والحجج مليون
ايدي وايدك ياما اتشابكو وانتي نافقتي بالف لون
مالكيش مكان في حياتي مهما تحاولي وتدوري
النهارده انا بكسب نفسي بعدك جه دورك تخسري/
قولولها مين يرضي
ويعيش سراب تاني
قولولها البعد علمني
انسي اللي ينساني،
قولولها مين يرضي
ويعيش سراب تاني
قولولها كان فارق زمان،
والبعد قواني
واحلفلك باللي بينا
انسي وتنسيني
وياخدني منك ليل
للـ ينسيني
التعليقات