مساحة إعلانية
920x160
تواصل معنا
ع البحر ماشي والرملة سخنة مولعة
انا كنت حافي وكنت شايل
فوق كتافي غزل البنات
وبين الوف كل البشر البحر كان حاضن قمر
قربت منها وقربت وحاجة فيا اتغيرت
شوفت في عينيها
بحر تاني موجه عالي شدني
صدقت نفسي وقلبي قال انها بتحبني
اخدت كيسين غزل البنات
وبكل رقة وفي سكات
ضحكت وسألتني بكام
ساعتها تاه مني الكلام
مدت ايديها بورقة اكبر من جراحي
مدت ايديها وقالتلي انا مش عايزة باقي
يعني يوم ما بيتولد فيا الحنين
بيتقتل فيا كبريائي
انا كنت حافي وكنت شايل
فوق كتافي غزل البنات
التعليقات