مساحة إعلانية
هو هو اخويا
اللى مجبهوش ياناس ابويا
يستاهل اقول عليه دا اخويا
اللى مشرفنى فى كل مكان
قمبلة رجوله
انا صاحبى اشهدلو م الطفوله
فى الجدعنه واخد البطوله
وانا جمبو ما يشغلنيش انسان
انت عم جيلك
يالى على الراس شايل زميلك
انا عمرى ما هنسا يوم جميلك
وغلاوتك دا على دماغى متشال
ربنا يباركلك
مطرح ماتحط يابنى رجلك
من قلبى يابو الصحاب دعيتلك
سندال من يومك و ابن حلال
انا عندى اخ مش دب طخ
وابصملو انو راجل مظبوط
لو دار حكايه يعمل جنايا
من اجلى وقتى يكون محطوط
مايطيقش كرف ولا اى حرف
يتقال فى يوم وانا مش موجود
رد فى غيابى على ناس صحابى
مع اى حد عامللى حدود
هو هو بابا
انا اخويا مفيش عليه رقابه
مايجيش ابدا على الغلابه
محبوب من كل الناس حواليه
دا الزعيم فى ارضو
دا اللى مصيطنا برا بلدو
طول عمرو اسد و ربو ساندو
مبدأو عمرو ما كان مره جنيه
من مكالمه منى
يحضر فى ثوانى و يقابلنى
لو شافنى وقعت يوم يشيلنى
عكازى اللى انا بتحرك بيه
لو زعلت مره
يتحول يخرب المجره
طول عمرو فى ضهرى جوا برا
احتاجتو قوام قدامى بلاقيه
العزوه مش فى اللمه يابا
العزوه فى اللى يسد
انا ليا صاحب لو زعلت
فى الدنيا ديا يهد
مابهيبش خالص اى حد
وانا جنب منى اخويا الانتيم
احنا اللى بيننا كبير بجد
مبدأنا واحد وعلى سليم
هو هو بونتى
اللى مابيطيقش زعلى سانتى
فى ساعتها تهب منو وقتى
لو حس اننا قاعد مخنوق
هى دى الحقيقيه
يرازيكو فى اقل من دقيقه
دا معاكم يعمل الدنيئه
ممنوع هنا حد فى هبلو يسوق
صاحبى من حنانو
انا مبروحش من مكانو
دوغرى اللى فى قلبو على لسانو
ع الابيض مالهوش فى التحوير
جيبى هو جيبو
محسوبكم يبقا اخوه وحبيبو
على مبدأ صاحبك على عيبو
عايشين بالحب وبالتقدير
صاحبى اللى ليا فى الدنيا ديا
انا غيرو لأ والله ماليش
تحزن عنيا لو غاب عليا
مقدرش يوم من غيرو اعيش
طول عمرو جمبى ومقوى قلبى
مطرح ما بمشى مابيسبنيش
صاحبى اللى منى دايما شايلنى
واقف فى ضهرى مابيجليش
التعليقات