مساحة إعلانية
920x160
تواصل معنا
فوتوغرافيا
بشوف الدنيا من عدسة
و بلقطها بعين صافية
حاجات ياما مابنقولهاش
و الصورة لوحدها كافية
فوتوغرافيا
بطلع صورة للفقرا
وهما بيعبروا الشارع
بهدمة مقطعة و مناديل
و ضحكة من الزمن حافية
فوتوغرافيا
في احضان برغم القرب
بتطلع باردة ف الكاميرا
و ف احضان برغم البعد
بتطلع ف الصور دافية
فوتوغرافيا
انا الشخص اللي بيصور
و مش لاقي صور ليا
ف من فضلك متجبرنيش
و اخدلك صورة بالعافيا
فوتوغرافيا
التعليقات