مساحة إعلانية
920x160
تواصل معنا
مشينا كتير وأه تعبنا
ومشيوا في يوم حبايبنا
كتير البعد دوّبنا
ومفيش نسيان
وادينا بنجري ونعافر
وطايرة قلوبنا بتسافر
ترِق وتقسى وتحن
لليالي زمان
ولسه الدنيا بتعاند
ولسه في حد بيساند
نقول صعبة يقول هانت
تهون احزان
ولسه في حلم بيساعنا
ومهما نغيب يرجّعنا
نشوف في السكة ١٠٠ معنى
و١٠٠ عنوان
ولسه هنمشي كام مشوار
وطعم الليل مرار صبار
يا دنيا قوليلنا هتحني
ةان الليل ده اخره نهار
مشينا كتير وملّينا
نداري الحزن في عينينا
ياريت كان عادي حوالينا
البكا مسموح
يقولوا القسوة بتعلم
وضعف نشكي نتكلم
واتاري الجرح بيعلم
ومش بيروح
ونعمل ايه في ناس سابوا
قلوب متعلقة وغابوا
صحيح القلب ساب بابه
كتير مفتوح
ندُور ونلف ع الفاضي
ولسه الحظ مش راضي
يقرب منا ويراضي
اللي كله جروح
ولسه هنمشي كام مشوار
وطعم الليل مرار صبار
يا دنيا قوليلنا هتحني
ةان الليل ده اخره نهار
التعليقات